କେନ୍ଦୁଝର,୨୫/୧୦ କେନ୍ଦୁଝର ସଦର ବ୍ଲକ ଅନ୍ତର୍ଗତ ମହାଦେଇଯୋଡ଼ା ପଞ୍ଚୟତ ର ବିଧବା ଚ଼ନ୍ଦ୍ରମଣୀ ପଲେଇ ତାଙ୍କର ରୋଗୀଣା ଝିଅ ମିଶି ଏକ ଭଙ୍ଗା କୁଡ଼ିଆରେ ରହୁଛନ୍ତି।ତାଙ୍କର କେହି ସାହାରା ନଥିବାରୁ ବହୁବାର ପଞ୍ଚାୟତସ୍ତର ଠାରୁ ପ୍ରଶାସନ ନିକଟରେ ଘର ପାଇଁ ଗୁହାରୀ କରିଥିଲେ ହଁ କୈାଣସି ସୁଫଳ ମିଳିନାହିଁ।ସେମାନେ ସେହି ଭଙ୍ଗା ଦଦରା ମାଟିଘରେ ରହୁଥିବାବେଳେ ଲଗାଣ ଲଘୁଚ଼ାପ ଜନିତ ବର୍ଷାରେ ଘର ପଛ ପାଖ ସମ୍ପୁର୍ଣ୍ଣ ଭାଙ୍ଗି ଜିବାରୁ ଅଳ୍ପକେ ବର୍ତ୍ତୀ ଯାଇଛନ୍ତି।ବାଧ୍ୟ ହୋଇ ମା ଝିଅ ଭାଙ୍ଗି ପଡ଼ିଥିବା ଘର ଟିର ଗୋଟିଏ ପାଖକୁ କିଛି କାଠ ଖଣ୍ତ ରେ ଢେର ଦେଇ ତଳେ ତସଲା ଡ଼େକଚ଼ି କଡ଼େଇ ରଖି ପାଣି ଦାଉରୁ ରକ୍ଷା ପାଇବା ପାଇଁ ରଖି ରହୁଛନ୍ତି।
ଚ଼ନ୍ଦ୍ରମଣୀ ୫ଶହ ଟଙ୍କା ବିଧବା ଭତ୍ତା ପାଇ ସେଇଥିରେ ବହୁକଷ୍ଟ ରେ ରୋଗୀଣା ଝିଅ କୁ ନେଇ ଦୟନୀୟ ଅବସ୍ଥାରେ ଜୀବନ ବିତାଉଛନ୍ତି।ଏହି ବିଷୟ ସ୍ଥାନୀୟ ସରପଞ୍ଚ ଜବାଶ୍ବରୀ ମାଝି ଙ୍କୁ ପଚ଼ାରିବାରୁ ଏହି ୨୦୧୮/୧୯ ସର୍ବମୋଟ ୨୮୦ଟି ଘର ମଧ୍ୟରୁ ସାଧାରଣ ବର୍ଗ ପାଇଁ ୨୪ ଟି ଘର ଆସିଥିବାବେଳେ ତାହା ବଣ୍ଟନ ସରିଛି।ତାଙ୍କୁ ଏବେ ମିଳିପାରିବ ନାହିଁ ବୋଲି ସେ କହିଛନ୍ତି।ଏହି ଦିଗରେ ତୁରନ୍ତ ପ୍ରଶାସନ ବିଧବା ନିରାଶ୍ରୟ ମହିଳା ଙ୍କୁ ଘର ଯୋଗାଇ ଦେବାକୁ ଦାବି ହୋଇଛି।
