ସମ୍ବଲପୁର:(ରମାକାନ୍ତ ବିଶ୍ବାଳ)ନାଳ ପାଇଁ ଗଲା ଜଣେ ରୋଗୀଙ୍କ ଜୀବନ ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକ ଘୋଷରାମାଲ ପଞ୍ଚାୟତ ବଡ଼ବିଲ ଗାଁ କୁ ସବୁଦିନିଆ ରାସ୍ତା ଓ ନାଳ ଉପରେ ପୋଲ ନଥିବାରୁ ଜଣେ ଗୁରୁତର ରୋଗୀକୁ ଆଣିବା ପାଇଁ ୧୦୮ ଆମ୍ବୁଲାନ୍ସ ଯାଇନପାରି ଧାତୁକିମାଳ ଗାଁ ମୁଣ୍ଡରେ ଅଟକି ରହିଥିଲା। ବଡ଼ବିଲ ଗାଁ ରୁ ଧାତୁକିମାଳ ୫କି.ମି ପର୍ଯ୍ୟନ୍ତ ରୋଗିକୁ ଖଟରେ ବୋହି ଆମ୍ବୁଲାନ୍ସ ପାଖକୁ ଆଣିଥିଲେ।
ପରେ ରୋଗୀକୁ ରେଢ଼ାଖୋଲ ମେଡିକାଲକୁ ଅଣାଯାଇଥିଲା ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବଡ଼ବିଲ ଗାଁର ବିରଞ୍ଚି ଦେହୁରୀ ଉଚ୍ଚ ରକ୍ତଚାପ ରୋଗରେ ପିଡୀତ ହୋଇ ଘରେ ରହି ଚିକିତ୍ସିତ ହେଉଥିଲେ। ଆଜି ସକାଳୁ ଚାଷ କରିବା ପାଇଁ ଜମିକୁ ଯାଇଥିଲେ। ହଠାତ୍ ଜମିରେ ପଡିଯାଇଥିଲେ ପରିବାର ଲୋକେ ପ୍ରଥମେ ୧୦୮ ଆମ୍ବୁଲାନ୍ସ ଡ଼କାଇଥିଲେ ଗାଁ କୁ ଆସିବାକୁ ହେଲେ ପ୍ରଥମେ ଚମ୍ପାଳି ନାଳ ପରେ ବୁକାଖାଇ ନାଳ ଦୁଇଟି ନାଳ ପଡ଼ିଥାଏ ।
ରାସ୍ତା ମଧ୍ୟ ଭଲ ନାହିଁ ଏଣୁ ଆମ୍ବୁଲାନ୍ସ ଗାଡ଼ି ଟି ଆସି ୫କି.ମି ଦୂର ଧାତୁକିମାଳ ଚମ୍ଫାଳି ନାଳ ଖଣ୍ଡିରେ ଆସି ରହିଲା । ପରିବାର ଓ ଗାଁ ଲୋକେ ପ୍ରାୟ ଦୁଇ ଘଣ୍ଟା ପର୍ଯ୍ୟନ୍ତ ଏକ ଖଟରେ ବିରଞ୍ଚି ଦେହୁରୀକୁ ନାଳ ନର୍ଦ୍ଦମା ପାଣିରେ ବୋହି ଆଣିଥିଲେ ଏତେ ଘଟଣା ପରେ ବି ପ୍ରଶାସନର ଚିନ୍ତା ନାହିଁ। ରାସ୍ତା ଭଲ ଥିଲେ ଜୀବନ ବଞ୍ଚି ଯାଇଥାନ୍ତା ବୋଲି ପରିବାର ଲୋକ ଅଭିଯୋଗ କରିଛନ୍ତି ।
