Breaking News
10:57 pmଜାତୀୟ ସେବା ଯୋଜନା ପୁରସ୍କାର ପ୍ରଦାନ କଲେ ରାଷ୍ଟ୍ରପତି; ବିଭିନ୍ନ ବର୍ଗରେ ଓଡ଼ିଶାରୁ ୩ ଜଣ ସାମିଲ 10:56 pmଖୋର୍ଦ୍ଧା: ଖୋର୍ଦ୍ଧା ଜିଲ୍ଲା କୃଷି ବିଭାଗ କାର୍ଯ୍ୟାଳୟ ନିକଟରେ ଅବକାରୀ ବିଭାଗ ପକ୍ଷରୁ ଚଢ଼ଉ,୨ଲକ୍ଷ ଟଙ୍କାର ବ୍ରାଉନସୁଗାର ଜବତ, ମହିଳା ଗିରଫ 10:54 pmପୁରୀ ଜିଲ୍ଲା ପରିଷଦ ଜୋନ ୧୧ର ସଦସ୍ୟ ଧର୍ମେନ୍ଦ୍ର ସାହୁ ଆତ୍ମହତ୍ୟା ଘଟଣା,ଖୋଲିବ ଗୁମର, ହଜିଲା ମୋବାଇଲ ଫୋନ୍‌ ମିଳିଲା 10:53 pmକୋରାପୁଟ: କୋଟିଆ ସୀମାନ୍ତ ଆନ୍ଧ୍ରପ୍ରଦେଶର ଜଙ୍ଗଲରେ ବୁଲୁଛି ବାଘ। ବନ ବିଭାଗ ପକ୍ଷରୁ ନିଆଯାଇଛି ଆବଶ୍ୟକ ପଦକ୍ଷେପ। କୋରାପୁଟ ଜିଲ୍ଲାପାଳଙ୍କ ସୂଚନା 10:52 pmକୋରାପୁଟ: କୋରାପୁଟ ଜିଲ୍ଲା ଲମତାପୁଟ ବ୍ଲକ ଜଲାପୁଟ ଗାଁ ନିକଟ ମାହାରାଗାଁ ଓ ପଲାମୁଗାଁ ନିକଟ ଜଙ୍ଗଲରେ ବିସ୍ଫୋରକ ସାମଗ୍ରୀ ଠାବ କରି ନିଷ୍କ୍ରିୟ କଲା ବିଏସଏଫ୍‌

ଅଷ୍ଟ୍ରେଲିଆର କାନ୍‍ବେରା ଠାରେ ରଥଯାତ୍ରା ଆୟୋଜନ

80 0

କାନ୍‍ବେରା :  ଅଷ୍ଟ୍ରେଲିଆର ରାଜଧାନୀ କାନ୍‍ବେରା ଠାରେ ଶ୍ରୀଜଗନ୍ନାଥଙ୍କର ଏକାଦଶତମ ପବିତ୍ର ରଥଯାତ୍ରା ପର୍ବ ଭକ୍ତିପୂତ ପରିବେଶ ମଧ୍ୟରେ ପାଳନ କରାଯାଇଛି । ଚତୁର୍ଦ୍ଧାମୂର୍ତ୍ତି ବିରାଜମାନ କରୁଥିବା ହିନ୍ଦୁ ମନ୍ଦିର ଓ ସାଂସ୍କୃତିକ କେନ୍ଦ୍ର ତରଫରୁ ଆୟୋଜିତ ଏହି ପାର୍ବଣ ପାଇଁ ଶ୍ରୀବିଷ୍ଣୁ ଶିବ ମନ୍ଦିର ସହଯୋଗ କରିଥିଲେ । ଏହି ମହୋତ୍ସବ ଉପଲକ୍ଷେ ବଢ଼ି ଭୋରରୁ ଚାରି ଠାକୁରଙ୍କ ସମ୍ମୁଖରେ ମଙ୍ଗଳ ଆଳତୀ, ମଇଲମ, ତଡ଼ପଲାଗି, ରୋଷ ହୋମ, ଅବକାଶ, ସୂର୍ଯ୍ୟପୂଜା, ଦ୍ୱାରପାଳ ପୂଜା ଏବଂ ସକାଳ ଧୂପ ଆଦି ରୀତିନୀତି ଧାର୍ମିକ ପ୍ରଥା ଅନୁଯାୟୀ ସମ୍ପନ୍ନ କରାଯାଇଥିଲା । ରଥଯାତ୍ରା ଦୃଷ୍ଟିରୁ ଫ୍ଲୋରି ଇଲାକାର ୮୧ନମ୍ବର ର‌୍ୟାଟ୍‍ କ୍ଲିଫ୍ କ୍ରିସେଣ୍ଟ ଠାରେ ସ୍ଥାପିତ ହିନ୍ଦୁ ମନ୍ଦିର ଓ ସାଂସ୍କୃତି କେନ୍ଦ୍ରକୁ ଖୁବ୍‍ ରଙ୍ଗାରଙ୍ଗ ଓ ଆକର୍ଷଣୀୟ ଢଙ୍ଗରେ ସଜା ଯାଇଥିଲା । ଚଳିତ ବର୍ଷ ଘୋଷଯାତ୍ରାରେ ସାମିଲ ହୋଇଥିବା ପ୍ରାୟ ୩୦୦ ଶ୍ରଦ୍ଧାଳୁଙ୍କ ମଧ୍ୟରେ ଅଭୁତପୂର୍ବ ଆନନ୍ଦ, ଉତ୍ସାହ, ଉତ୍କଣ୍ଠା, ଉଲ୍ଲାସ ଓ ଉଦ୍ଦୀପନା ପରିଲ୍ଲଖିତ କରାଯାଇଥିଲା । କାନ୍‍ବେରାର ଅଧିବାସୀଙ୍କ ସମେତ ସୁଦୂର ସିଡ୍‍ନୀ, ବ୍ରିସ୍‍ବେନ ଏବଂ ମେଲ୍‍ବର୍ଣ୍ଣ ମହାନଗରୀମାନଙ୍କରୁ ଓଡ଼ିଆ ଓ ଅଣଓଡ଼ିଆ ଭକ୍ତମାନେ ମଧ୍ୟ ଆସି ରଥଯାତ୍ରା ମହୋତ୍ସବରେ ବଢ଼ିଚଢ଼ିକି ଭାଗନେଇଥିବା ଦେଖାଯାଇଥିଲା ।

ସକାଳ ୧୦ଟା ବେଳେ ଦିଅଁମାନଙ୍କର ପହଣ୍ଡି ବିଜେ ଆରମ୍ଭ କରାଯାଇଥିଲା । ପ୍ରଥମେ ପ୍ରଭୁ ସୁଦର୍ଶନ, ତା ପରେ ବଡ଼ ଭାଇ ବଳଭଦ୍ର, ପରେ ପରେ ଦେବୀ ସୁଭଦ୍ରା ଓ ସବାଶେଷରେ ଜଗତର ନାଥ ଜଗନ୍ନାଥଙ୍କୁ ରୋଷଣୀ କରି ୪ ମିଟର ଉଚ୍ଚତା ବିଶିଷ୍ଟ ସୁନ୍ଦର, ସୁଶୋଭିତ ଓ ସୁସଜ୍ଜିତ ରଥ ଉପରକୁ ନିଆଯାଇଥିଲା । ହରିବୋଲ, ହୁଳହୁଳି ଏବଂ ଜୟ ଜଗନ୍ନାଥ ଧ୍ୱନି ସହ ଭଜନ କୀର୍ତ୍ତନର ମୃଦ୍ୟୁମନ୍ଦ ନାଦ ମଧ୍ୟରେ ଶ୍ରଦ୍ଧାଳୁମାନେ ହାତରେ ନଚାଇ ନଚାଇ ପ୍ରତିମାମାନଙ୍କୁ ରଥ ଉପରକୁ ନେଇଥିଲେ । ଅଷ୍ଟ୍ରେଲିଆ ହିନ୍ଦୁ ପରିଷଦର ସଭାପତି ପ୍ରକାଶ ମେହେଟ୍ଟା ପାରମ୍ପରିକ ଛେରା ପହଁରା କାର୍ଯ୍ୟ ସମ୍ପନ୍ନ କରିବା ପରେ ଦିନ ୧୧ଟା ବେଳେ ରଥ ଟଣା ଆରମ୍ଭ ହୋଇଥିଲା । ଫ୍ଲୋରିର ରାଜରାସ୍ତାରେ ରାଜକୀୟ ଠାଣିରେ ଭକ୍ତମାନଙ୍କ ଗହଣରେ ଗଡ଼ିଚାଲିଥିବା ଅନନ୍ୟ ଓ ଅପରୂପ ରଥଟିକୁ ୨କି.ମି. ପର୍ଯ୍ୟନ୍ତ ଟାଣି ନିଆଯାଇ ପୁଣି ମନ୍ଦିର ବେଢ଼ା ନିକଟକୁ ଫେରାଇ ଅଣାଯାଇଥିଲା ।

ଉପସ୍ଥିତ ବରେଣ୍ୟ ଅତିଥିମାନଙ୍କ ମଧ୍ୟରେ ଅଷ୍ଟ୍ରେଲିଆନ୍‍ କ୍ୟାପିଟାଲ୍‍ ଟେରିଟୋରୀ (ଏ.ସି.ଟି) କାନ୍‍ବେରାର ମୁଖ୍ୟମନ୍ତ୍ରୀଙ୍କ ଆଣ୍ଡ୍ରୁ ବାର୍‍ଙ୍କର ପ୍ରତିନିଧି ଦୀପକ ରାଜଗୁପ୍ତା, ଭାରତୀୟ ଦୂତାବାସର ଉପାୟୁକ୍ତ ସୁନୀତ ମେହେଟ୍ଟା, ଉଦ୍ୟୋଗପତି ଶୀକାନ୍ତ ତ୍ରିପାଠୀ, ଆଦିତ୍ୟ ଝୁନ୍‍ଝୁନ୍‍ୱାଲା, ରିଓଜର ଦୁଇ ପୂର୍ବତନ ସଭାପତି ରାଜେନ୍ଦ୍ର ପାଢ଼ୀ ଏବଂ ସୁଜୀତ ଜେନା ତଥା ବର୍ତ୍ତମାନର ସଂଯୁକ୍ତ କୋଷାଧ୍ୟକ୍ଷ ମମତାଜ ଲେଙ୍କା ପ୍ରମୁଖ ଅନ୍ତର୍ଭୁକ୍ତ ଥିଲେ । ରଥଯାତ୍ରା ଏବଂ ଏହି ଅବସରରେ ଆୟୋଜିତ ଶାନ୍ତି ଯାତ୍ରାର ମୂଳ ଲକ୍ଷ ସମଗ୍ର ମାନବ ସମାଜକୁ ଜାତି, ଧର୍ମ, ବର୍ଣ୍ଣ, ସମ୍ପ୍ରଦାୟ, ଆସ୍ଥା ଏବଂ ଲିଙ୍ଗ ନିର୍ବିଶେଷରେ ଏକତା ସୂତ୍ରରେ ବାନ୍ଧି ରଖିବା ଥିଲା ବୋଲି ସଂଗଠକମାନେ ପ୍ରକାଶ କରିଛନ୍ତି । ସାଂସ୍କୃତିକ କାର୍ଯ୍ୟକ୍ରମର ବିଶେଷ ଆକର୍ଷଣ ଭାବରେ ନନ୍ଦିନୀ ମେଡିସିଙ୍କ ଦ୍ୱାରା ମଞ୍ଚସ୍ଥ ମନଲୋଭା ଓଡ଼ିଶୀ ନୃତ୍ୟ ଏବଂ କାନ୍‍ବେରା କୀର୍ତ୍ତନ ମଣ୍ଡଳୀ ଦ୍ୱାରା ପରିବେଶିତ ସୁମଧୂର ହରିନାମ ସଂକୀର୍ତ୍ତନ ସାମିଲ ଥିଲା ।

ସମଗ୍ର ଆୟୋଜନକୁ ସୂଚାରୁ ରୂପେ କାର୍ଯ୍ୟାନ୍ୱୟନ କରିବାରେ ମୁଖ୍ୟ ଆୟୋଜକ ହିନ୍ଦୁ ମନ୍ଦିର ଓ ସାଂସ୍କୃତିକ କେନ୍ଦ୍ରର ସଭାପତି ପ୍ରକାଶ ମେହେଟ୍ଟା, ସମ୍ପାଦକ ତରୁଣ ଅଗସ୍ତି, ଅଷ୍ଟ୍ରେଲିଆ ଓଡ଼ିଆ ସମାଜର ସଭାପତି ଡ. ନଳିନୀ ପତି ଏବଂ ସନ୍ତୋଷ ଗୁ୍‍ପ୍ତା ମୁଖ୍ୟ ଭୂମିକା ନିର୍ବାହ କରିଥିଲେ । ଅଷ୍ଟ୍ରେଲିଆର ସୁପ୍ରସିଦ୍ଧ ଜଗନ୍ନାଥ ଧାମ ଠାରେ ଅନୁଷ୍ଠିତ ବହୁ ଆକାଂକ୍ଷିତ ଓ ଦୀର୍ଘ ପ୍ରତିକ୍ଷିତ ଏହି ରଥ ମହୋତ୍ସବକୁ ଅଭୂତପୂର୍ବ ଭାବେ ସଫଳ କରାଇବାରେ ସେଠାକାର ମୁଖ୍ୟ ଓଡ଼ିଆ ସଂଗଠନ ଓ ରିଓଜ, ହିନ୍ଦୁ ପରିଷଦ, ଏ.ସି.ଟି କାନବେରାର ହିନ୍ଦୁ ସମ୍ପ୍ରଦାୟ ଏବଂ ସ୍ଥାନୀୟ ଓଡ଼ିଆ ବାସୀନ୍ଦାଙ୍କର ଭୂମିକା ବେଶ୍‍ ଉଳ୍ଲେଖଯୋଗ୍ୟ ଥିଲା ।ରଥଯାତ୍ରା ଉପଲକ୍ଷେ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ଆନ୍ଥୋନି ଆଲ୍‍ବାନିଜି, ଏ.ସି.ଟି କାନ୍‍ବେରାର ମୁଖ୍ୟମନ୍ତ୍ରୀ ଆଣ୍ଡ୍ର୍ରୁ ବାର୍‍, ସିନେଟର କାଥେରାଇନ ରଥ ଗାଲାଗାର ଓ ବିଧାୟକ ପାଟ୍ରିକ କେନ୍‍ ପ୍ରମୁଖ ହାର୍ଦ୍ଧିକ ଶୁଭେଚ୍ଛା ବାର୍ତ୍ତା ପଠାଇଥିବା ଜଣାଯାଇଛି ।

Related Post

ପାକିସ୍ତାନୀ ଡ୍ରୋନ୍‌କୁ ଖସାଇ ଦେଲା ଭାରତୀୟ ସେନା,ଭାରତ ମାତାକୁ କାହାରି ଆଗରେ ନଇଁବାକୁ ଦେବିନି : ମୋଦି

Posted by - February 27, 2019 0
ଗୁଜରାଟର କଚ୍ଛ ଅଞ୍ଚଳରେ ଉଡ଼ୁଥିବା ଏକ ପାକିସ୍ତାନୀ ଡ୍ରୋନ୍‌କୁ ଭାରତୀୟ ସେନା ଖସାଇ ଦେଇଛନ୍ତି।ଗତକାଲି ରାତିରେ ଏହି ଡ୍ରୋନ୍‌କୁ ଅମ୍ବାସା ଗାଁରେ ଖସାଇ ଦିଆଯାଇଥିବା ସୂଚନା ମିଳିଛି।ଭାରତୀୟ…

ଇଂଲଣ୍ଡର ମାଞ୍ଚେଷ୍ଟରଠାରେ ରଥଯାତ୍ରା ଆୟୋଜନ

Posted by - July 7, 2022 0
ମାଞ୍ଚେଷ୍ଟର (ବ୍ୟୁରୋ): ଇଂଲଣ୍ଡର ତୃତୀୟ ବୃହତ୍ତମ ମହାନଗର ମାଞ୍ଚେଷ୍ଟରଠାରେ ଦ୍ଵିତୀୟ ରଥଯାତ୍ରା ଉତ୍ସବ ଖୁବ ଯାକଜକମ ଓ ଜୋରଦାର ଢଙ୍ଗରେ ପାଳନ କରାଯାଇଛି। ଏହି ଉପଲକ୍ଷେ ସକାଳୁ…

ମହାମାରୀ ବର୍ଷକୁ ନେଉଛି ୭.୨୦ ଲକ୍ଷ ଜୀବନ: ବିଶ୍ୱକୁ କ୍ଷତି ୩୭ ଲକ୍ଷ କୋଟି

Posted by - March 17, 2020 20
ନୂଆଦିଲ୍ଲୀ,୧୭।୩: ଚିକିତ୍ସା ବିଜ୍ଞାନର ଦ୍ରୁତ ଅଗ୍ରଗତି ସତ୍ତ୍ୱେ କରୋନା ଭଳି ରୋଗ ମହାମାରୀ ରୂପ ନେଇଥିବା ଦେଖାଯାଇଛି। ଏଭଳି ବିଭିନ୍ନ ମହାମାରୀ ଯୋଗୁ ବିଶ୍ୱ ଅର୍ଥବ୍ୟବସ୍ଥା ବୃହତ୍‌…

ବାହାରିନ ଓଡ଼ିଆ ସମାଜ ପକ୍ଷରୁ ଆନ୍ତର୍ଜାତିକ ଯୋଗ ଦିବସ ପାଳନ

Posted by - June 22, 2021 0
ମାନାମା/ଆୱାଲି/ଭୁବନେଶ୍ୱର / ଯାଜପୁର(ସ୍ନେହାଂଶୁ ଶେଖର ମହାନ୍ତି) – ତା ୨୨.୬ ବାହାରିନ ଓଡ଼ିଆ ସମାଜ ତରଫରୁ ସପ୍ତମ ଆନ୍ତର୍ଜାତିକ ଯୋଗ ଦିବସ ପାଳନ କରାଯାଇଥିବା ଜଣାଯାଇଛି।ଏହି ଉପଲକ୍ଷେ…

ପ୍ରେମିକକୁ ବିବାହ କରିବା ପାଇଁ ସମଲିଙ୍ଗୀ ସ୍ୱାମୀ କଲା ସ୍ତ୍ରୀର ହତ୍ୟା

Posted by - December 6, 2018 0
ନୂଆଦିଲ୍ଲୀ : ଇଂଲଣ୍ଡରେ ରହୁଥିବା ସମଲିଙ୍ଗୀ ଫାର୍ମସିଷ୍ଟ ଅଷ୍ଟ୍ରେଲିଆରେ ରହୁଥିବା ପ୍ରେମିକଙ୍କୁ ବିବାହ କରିବା ପାଇଁ ନିଜ ପତ୍ନୀଙ୍କୁ ହତ୍ୟା କରିବା ଘଟଣା ଏବେ ଚର୍ଚ୍ଚାର ବିଷୟ…