ଭୁବନେଶ୍ବର: (ନରେନ୍ଦ୍ର ନେଗୀ ଙ୍କ ସହ ଅର୍ଜୁନ ପଟ୍ଟନାୟକ) କଳାହାଣ୍ଡି ର ସୁଯୋଗ୍ୟ ସନ୍ତାନ ତଥା ବରିଷ୍ଠ ଅବସର ପ୍ରାପ୍ତ ପ୍ରଶାସନିକ ଅଧିକାରୀ ଅଶ୍ବିନୀ କୁମାର ପରିଡା, ଆଇ ଏ ଏସ୍, ସାମାଜିକ ଓ ମାନବିକତା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ମାନ୍ୟବର ରାଜ୍ୟପାଳ ଙ୍କ ଦ୍ଵାରା ସମ୍ମାନିତ ହୋଇଛନ୍ତି। ବିଶ୍ଵ ରେଡକ୍ରସ ଦିବସ ଅବସରରେ ଶ୍ରୀଯୁକ୍ତ ପରିଡା ଙ୍କୁ ଆନ୍ଧ୍ରପ୍ରଦେଶ ର ମାନ୍ୟବର ରାଜ୍ୟପାଳ ଶ୍ରୀଯୁକ୍ତ ବିଶ୍ଵଭୂଷଣ ହରିଚନ୍ଦନ ସମ୍ମାନିତ କରିଛନ୍ତି। ଶ୍ରୀଯୁକ୍ତ ପରିଡା ଲାଞ୍ଜିଗଡ଼ ବ୍ଳକ ବିଶ୍ଵନାଥପୁର ରେ ଜନ୍ମ ଗ୍ରହଣ କରିଥିବା ବେଳେ ତାଙ୍କ ନିଜ ଘର ନର୍ଲା ବ୍ଳକ ମୁସ୍କୁଟି ଗ୍ରାମ। କେସିଙ୍ଗା ହାଇ ସ୍କୁଲ ରେ ଶିକ୍ଷା ସମାପ୍ତ ପରେ କଳାହାଣ୍ଡି ମହାବିଦ୍ୟାଳୟ ଓ ପରେ ଦିଲ୍ଲୀ ୟୁନିଭରସିଟିରେ ପୋଷ୍ଟ ଗ୍ରାଜୁଏଟ୍ ଏବଂ ଯେ ଏନ୍ ୟୁ ରେ ଏମ୍ ଫିଲ୍ କରିଥିଲେ।
୧୯୮୦ ମସିହାରେ ଭାରତୀୟ ପ୍ରଶାସନିକ ସେବା ପରୀକ୍ଷାରେ ଉତ୍ତୀର୍ଣ୍ଣ ହୋଇ ଦେଶର ବିଭିନ୍ନ ସ୍ଥାନରେ ଦକ୍ଷ ପ୍ରଶାସନିକ ଅଧିକାରୀ ଭାବରେ ପାରଦର୍ଶିତା ଦେଖାଇ ଆନ୍ଧ୍ରପ୍ରଦେଶ ର ମୁଖ୍ୟ ସଚିବ ପଦବୀ ଅଳଙ୍କୃତ ପରେ ଅବସର ଗ୍ରହଣ କରିଥିଲେ। ବର୍ତ୍ତମାନ ସେ ଆନ୍ଧ୍ରପ୍ରଦେଶ ର ପରିବେଶ ନିୟନ୍ତ୍ରଣ ବୋର୍ଡ ଅଧ୍ୟକ୍ଷ ଏବଂ ଭାରତୀୟ ରେଡକ୍ରସ ସୋସାଇଟି ର ଆନ୍ଧ୍ରପ୍ରଦେଶ ରାଜ୍ଯ ଶାଖା ର ସାଧାରଣ ସମ୍ପାଦକ ତଥା ମୁଖ୍ୟ ନିର୍ବାହୀ ଅଧିକାରୀ ଦାୟିତ୍ଵ ସମ୍ପାଦନ କରୁଛନ୍ତି।ଦେଶ ମାତୃକାର ସେବା ରେ ବ୍ରତୀ ଶ୍ରୀଯୁକ୍ତ ଅଶ୍ବିନୀ ପରିଡା ସମ୍ମାନୀତ ହୋଇଥିବା ରୁ ଜିଲ୍ଲା ତଥା ରାଜ୍ୟରେ ଖୁସିର ଲହରୀ ଖେଳିଯାଇଛି।
