‘କାଳିଆ’ ଟଙ୍କା ଯିବା ପରେ ଯାଞ୍ଚ ଲାଗି ସରକାରୀ ବିଜ୍ଞାପନ

ଯେଉଁ ଅଯୋଗ୍ୟ ହିତାଧିକାରୀଙ୍କ ଆକାଉଣ୍ଟକୁ କାଳିଆ ଟଙ୍କା ଯାଇଛି ସେମାନେ ତୁରନ୍ତ ଟଙ୍କା ଫେରାଇବାକୁ ସରକାର ନୋଟିସ ଜାରି କରିଛନ୍ତି । କାଳିଆ ଟଙ୍କା ପାଇଥିବା ରାଜ୍ୟର ସମସ୍ତ ୫୧ ଲକ୍ଷ ହିତାଧିକାରୀଙ୍କ ନାଁ କୁ ମଧ୍ୟ ସାର୍ବଜନିନ କରିଛନ୍ତି ସରକାର । ଏହିତାଲିକା ଅନୁସାରେ ଯେଉଁ ଅଯୋଗ୍ୟ ହିତାଧିକାରୀ କାଳିଆ ଟଙ୍କା ନେଇଛନ୍ତି  ସେମାନେ ଆଜିଠୁ ୧୪ ତାରିଖ ଭିତରେ ଟଙ୍କା ଫେରାଇବାକୁ ସରକାର ନିର୍ଦେଶ ନାମା ଜାରିକରିଛନ୍ତି । ପଞ୍ଚାୟତ କାର୍ଯ୍ୟାଳୟ, ପ୍ରାଥମିକ ସେବା ସମବାୟ ସମିତି କାର୍ଯ୍ୟାଳୟରେ ଲଗାଯାଇଛି ହିତାଧିକାରୀ ତାଲିକା। ଯେଉଁଥିରେ ଅଯୋଗ୍ୟ ହିତାଧିକାରୀଙ୍କୁ ନିଜ ଆଡୁ ନିଜ ନାଁ ବାଦ୍ ଦେବାକୁ ଆବେଦନ କରିବା ପାଇଁ ଅପିଲ୍ କରାଯାଇଛି। ଏଥିରେ ବ୍ୟାଙ୍କ (୩୮୪୭୪୫୦୦୭୬୨) ଆକାଉଣ୍ଟ ନମ୍ବର ବି ଦିଆଯାଇଛି। ଅଯୋଗ୍ୟ ହିତାଧିକାରୀ ଏହି ଆକାଉଣ୍ଟରେ ସହାୟତା ଟଙ୍କା ଫେରସ୍ତ କରିପାରିବେ।କୃଷି ସଚିବ କହିଛନ୍ତି ଅଯୋଗ୍ୟ ହିତାଧିକାରୀମାନେ ନିଜଆଡୁ ଦରଖାସ୍ତ ଦେଇ ତାଲିକାରୁ ନିଜନାଁକୁ କାଟି ଟଙ୍କା ଫେରାନ୍ତୁ । ନହେଲେ ସରକାର ବିଭିନ୍ନ ସୋର୍ସରୁ ଅଯୋଗ୍ୟ ହିତାଧିକାରୀଙ୍କ ନାଁ ଯାଞ୍ଚକରି ତାକୁ ତାଲିକାରୁ ବାଦ୍ ଦେବେ । ଏହାବାଦ୍ ଯେଉଁ ଯୋଗ୍ୟ ହିତାଧିକାରୀଙ୍କ ନାଁ ତାଲିକାରେ ସ୍ଥାନ ପାଇନି ସେମାନଙ୍କ ନାଁ ତାଲିକା ଭୁକ୍ତ କରିବାକୁ ସରକାର ପ୍ରୟାସ କରୁଛନ୍ତି ।