ଟିଟିଲାଗଡ :(ସଞ୍ଜୟ କୁମାର ନାୟକ): ବଲାଙ୍ଗୀର ଜିଲ୍ଲାର ଟିଟିଲାଗଡ ସହରରେ ଦୀର୍ଘ ୧୫ ବର୍ଷ ହେଲା ଚାଲୁରହୁଛି ଟିଟିଲାଗଡ କରାଟେ ଆସୋସିଏସନ । ଏହି ଆସୋସିଏସନର ଛାତ୍ର ଛାତ୍ରୀ ମାନେ ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରି ଉତ୍ତୀର୍ଣ୍ଣ ହୋଇ ଟିଟିଲାଗଡ ପାଇଁ ଗୌରବ ଅର୍ଜନ କରିଆସୁଛନ୍ତି। ଏହି ବର୍ଷ ମଧ୍ୟ ଏହି ଆସୋସିଏସନରୁ କଣ୍ଟାବାଞ୍ଜି ଓ ଟିଟିଲାଗଡର ତାଲିମ ପ୍ରାପ୍ତ ଛାତ୍ରଛାତ୍ରୀ ମାନେ ଝାରଖଣ୍ଡରେ ହୋଇଥିବା ” ଇଣ୍ଡୋ ନେପାଲ କରାଟେ ଚାମ୍ପିଅନସିପ “ପ୍ରତିଯୋଗିତାରେ ଓଡ଼ିଶା ପକ୍ଷରୁ ଅଂଶ ଗ୍ରହଣ କରି ଉତ୍ତୀର୍ଣ୍ଣ ହୋଇ ପୁଣିଥରେ ଓଡ଼ିଶା ଓ ଟିଟିଲାଗଡ ମାଟି ପାଇଁ ଗର୍ବ ଓ ଗୌରବ ଅର୍ଜନ କରିଛନ୍ତି। ଏହି ପ୍ରତିଯୋଗିତାରେ ଓଡ଼ିଶା ପକ୍ଷରୁ ମୋଟ ୧୮ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ ଏବଂ ଏଥିରୁ ମୋଟ ୧୫ ଜଣ ଛାତ୍ରଛାତ୍ରୀ ଉତ୍ତୀର୍ଣ୍ଣ ହୋଇ ମୋଟ ୩୦ ଟି ପଦକ ହାସଲ କରିଛନ୍ତି ।
ସେଥିମଧ୍ୟରେ ମୋଟ ୭ ଟି ସ୍ବର୍ଣ୍ଣ ପଦକ,୭ ଟି ରୋପ୍ୟପଦକ ଏବଂ ୧୬ ଟି କାଂଶ ପଦକ ରହିଛି ।ଏହି ଛାତ୍ରଛାତ୍ରୀ ମାନେ ପ୍ରଶିକ୍ଷକ ସଂସାଇ ଜିତୁ ପୃଷ୍ଟି ଓ କେଦାର କବାଟଙ୍କ ନେତୃତ୍ୱରେ ପ୍ରତିଯୋଗିତାରେ ଅଂଶଗ୍ରହଣ କରି ସେଥିରେ ଉତ୍ତୀର୍ଣ୍ଣ ହୋଇ ଆମ ଓଡ଼ିଶା ମାଟି ପାଇଁ ପୁଣିଥରେ ଗୌରବ ଅର୍ଜନ କରିଛନ୍ତି । ସୋମବାର ସନ୍ଧ୍ୟାରେ ପ୍ରତିଯୋଗୀମାନେ ଟିଟିଲାଗଡ ସହରକୁ ଫେରିବା ପରେ ସେମାନଙ୍କୁ ଆସୋସିଏସନ୍ ଏବଂ ସହରବାସୀଙ୍କ ପକ୍ଷରୁ ଭବ୍ୟ ସ୍ଵାଗତ କରଯାଇଥିଲା। ଏହି ଆସୋସିଏସନର ମୁଖ୍ୟ ସଂରକ୍ଷକ ସଂସାଇ ପ୍ରଦୀପ ବାଗ ,ସଭାପତି ଅମରଜିତ ବାଗ , ବାନ୍ଦୁପଲା ସରପଞ୍ଚ ଗୋପାଳ ତାଣ୍ଡି,ପ୍ରଶାନ୍ତ ବେହେରା, ଉମେଶ ଛପଡ଼ିଆ,ଗୁପ୍ତେଶ୍ଵର ସାହୁ,ଇସାନ ଷୋମଇୟା,ଲୋକନାଥ ମେହେର,ମଚେନ୍ଦ୍ର ନାରାୟଣ ବେହେରା , ଲୋକରଞ୍ଜନ ମାଝୀ,ବାସୁଦେବ ବେହେରା ,ସଂଜୀବ ମିଶ୍ରଙ୍କ ସହିତ ଟିଟିଲାଗଡ ବାସି ତାଙ୍କୁ ଉତ୍ସାହିତ ସହିତ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।
ଏହି ପ୍ରତିଯୋଗିତାରେ ମହିଳା ବିଭାଗରେ ୯ ବର୍ଷ ବୟସର ଇସା ଛାପଡ଼ିଆ ପ୍ରତିଯୋଗୀତାରେ କାତା ଓ କୁମିତେରେ ୨ ଟି କାଂଶ ପଦକ ହାସଲ କରିଛନ୍ତି, ଏହିପରି ପୁରୁଷ ବିଭାଗରେ ୧୦ ବର୍ଷ ବୟସ ସିମାରେ ରେ ପ୍ରଭାଷ ବନଛୋର କାତା ଓ କୁମିତେରେ ୨ ଟି ସ୍ଵର୍ଣ ପଦକ , ଚେତନ କବାଟ କାତା ଓ କୁମିତେରେ ୨ ଟି ରୋପ୍ୟ ପଦକ ଓ ଏକାଂଶ ଷୋମାଇୟା କାତା ଓ କୁମିତେରେ ୨ଟି କାଂଶ ପଦକ ହାସଲ କରିଛନ୍ତି, ୧୦ ବର୍ଷ ବୟସ ସୀମା ଭିତରେ ମହିଳା ବିଭାଗରେ ବୈଶାଳୀ ମାଝୀ କାତା ଓ କୁମିତେରେ ୨ ଟି ସ୍ବର୍ଣ୍ଣ ପଦକ ,ପୁନମ କବାଟ କାତାରେ ରୋପୀୟ ଓ କୁମିତେରେ କଂ।ଶୀୟ ପଦକ ହାସଲ କରିଛନ୍ତି। ୧୨ ବର୍ଷ ବୟସ ସୀମାରେ ମହିଳା ବିଭାଗରେ ବୀଣାପାଣି ସାହୁ କାତାରେ କଂ।ଶୀୟ ଓ କୁମିତେ ରେ ରୋପୀୟ ପଦକ ଓ ଦେଭିକା ମେହେର କାତା ଓ କୁମିତେରେ କଂ।ଶୀୟ ପଦକ ହାସଲ କରିଛନ୍ତି।
ପୁରୁଷ ବିଭାଗରେ ଆଇସା ଛାପଡ଼ିଆ କାତା ଓ କୁମିତେ ରେ କଂଶୀୟ ପଦକ ହାସଲ କରିଛନ୍ତି ।୧୪ ବର୍ଷ ବୟସ ସୀମାରେ ମହିଳା ବିଭାଗରେ ତୃଷ୍ଣା ବେହେରା କାତାରେ ରୋପ୍ୟଓ କୁମିତେରେ କଂ।ଶୀୟ ପଦକ ହାସଲ କରିଛନ୍ତି। ପୁରୁଷ ବିଭାଗରେ ପିୟୁସ ବେହେରା କାତା ଓ କୁମିତେ ରେ ୨ ଟି କଂ।ଶୀୟ ପଦକ ହାସଲ କରିଛନ୍ତି। ୧୫ ବର୍ଷ ବୟସ ସୀମାରେ ପୁରୁଷ ବିଭାଗରେ ଶ୍ରୀସାନ୍ତ କୁମାର ମିଶ୍ର କାତା ଓ କୁମିତେ ରେ କଂ।ଶୀୟ ପଦକ ଓ ଲମ୍ବୋଦର ବନଛୋର କାତାରେ ସ୍ବର୍ଣ୍ଣ ଓ କୁମିତେରେ ରୋପ୍ୟ ପଦକ ହାସଲ କରିଛନ୍ତି। ୧୮ ବର୍ଷ ବୟସ ସୀମାରେ ମହିଳା ବିଭାଗରେ ଦମୟନ୍ତି ସାହୁ କାତା ଓ କୁମିତେ ରେ କଂଶୀୟ ପଦକ ହାସଲ କରିଛନ୍ତି। ସେହିପରି ୨୦ ବର୍ଷ ବୟସ ମଧ୍ୟରେ ମହିଳା ବିଭାଗରେ ଶାରଳା ସାହୁ କାତା ଓ କୁମିତରେ ୨ଟି ସ୍ବର୍ଣ୍ଣ ପଦକ ହାସଲ କରିଛନ୍ତି।
