ପାଟଣାଗଡ଼:(ତାପସ ରଞ୍ଜନ ବେହେରା) ପାଟଣାଗଡ଼ରେ ପୌର ନିର୍ବାଚନ ପାଇଁ ଶନିବାର ଦିନ ମତଗଣନା କଡ଼ା ସୁରକ୍ଷା ବ୍ୟବସ୍ଥା ରେ ଆରମ୍ଭ ହୋଇଯାଇଛି । ଏନଏସିର ୧୫ଟି ୱାର୍ଡ ପାଇଁ ସମୁଦାୟ ୧୭ ହଜାର ୭୨୩ ଜଣ ଭୋଟର ଥିବାବେଳେ ୧୧ ହଜାର ୭୧୧ ଜଣ ଭୋଟ ଦେଇଥିଲେ । ଆଜି ସକାଳୁ ଭୋଟ ଗଣତି ପାଇ ଇଭିଏମକୁ କଡ଼ା ସୁରକ୍ଷା ମଧ୍ୟରେ ମତଗଣନା କେନ୍ଦ୍ରକୁ ଅଣାଯାଇଥିଲା ।
୧୫ଟି ୱାର୍ଡରୁ ୧୪ଟି ୱାର୍ଡରେ ବିଜେଡି କାଉନସିଲର ବିଜୟୀ ହୋଇଥିବାବେଳେ ୧୩ନଂ ୱାର୍ଡରେ ସ୍ୱାଧିନ ପ୍ରାର୍ଥୀ ରୁନୁ କୁମ୍ଭାର ବିଜୟୀ ହୋଇଥିବା ସରକାରୀ ସୂତ୍ରରୁ ଜଣା ପଡ଼ିଛି । ଫଳରେ ଦୀର୍ଘ ୨୫ ବର୍ଷ ପରେ ବିଜେଡି ପାଟଣାଗଡ଼ ଏନଏସି ଦଖଲ କରିବାରେ ସଫଳ ହୋଇଛି ।ସେହିପରି ବିଜେଡିର ଅଧ୍ୟକ୍ଷ ପ୍ରାର୍ଥିନୀ ମାନସୀ ବିଶ୍ୱାଳ ତାଙ୍କ ନିକଟତର ବିଜେପି ପ୍ରାର୍ଥୀ ବୁଡୁ ଶବରଙ୍କ ଠାରୁ ଅଧିକ ଭୋଟ ପାଇ ବିଜୟୀ ହୋଇଛନ୍ତି
। ବିଜେଡି ପ୍ରାର୍ଥୀ ମାନସୀ ବିଶ୍ୱାଳ ୬,୬୩୭ ଭୋଟ ପାଇଥିବାବେଳେ ବିଜେପି ପ୍ରାର୍ଥୀ ବୁଡୁ ଶବର ୩,୫୭୧ ଭୋଟ ପାଇଛନ୍ତି । ଅନ୍ୟପଟେ କଂଗେସ ପ୍ରାର୍ଥୀ ନୀଳମଣୀ ଭୋଇ ୧୦୭୦ ଭୋଟ, ସ୍ୱାଧୀନ ପ୍ରାର୍ଥୀ ମାନ ମୁଣ୍ଡା ୩୨୯ ଓ ନୋଟାରେ ୧୭୨ ଭୋଟ ପଡ଼ିଛି । ପାଟଣାଗଡ଼ ଏନଏସିରେ ବିପୁଳ ପରିମାଣରେ ବିଜେଡିକୁ ସମର୍ଥନ କରି ଏନଏସି ଅଧ୍ୟକ୍ଷା ପ୍ରାର୍ଥୀ ଓ ୧୪ଟି କାଉନସିଲରକୁ ବିଜୟୀ କରିଥିବାରୁ ବିଧାୟକ ସରୋଜ କୁମାର ମେହେର ପାଟଣାଗଡ଼ ଜନସାଧାରଣଙ୍କୁ କୃତଜ୍ଞତା ଜଣାଇଛନ୍ତି ।
