ଖପ୍ରାଖୋଲ:(ତାପସ ରଞ୍ଜନ ବେହେରା)ଖପ୍ରାଖୋଲ ବ୍ଲକ ଓଡିଆପାଲି ପଂଚାୟତ କପସିପାଲି ଠାରେ ଭଲିବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି l କପସିପାଲି ଭଲିବଲ ସଂଘ ଆନୁକୂଲ୍ୟରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟରେ ସମୁଦାୟ ୮ ଟି ଦଳ ଭାଗ ନେଇଥିଲେ l ଫାଇନାଲ ଖେଳ ସୁନାମୁଦୀ ଓ କପସିପାଲି ଦଳ ମଧ୍ୟରେ ଅନୁଷ୍ଠିତ ହୋଇ ଥିବା ବେଳେ ସୁନାମୁଦୀ ଦଳ ଗୋଟିଏ ପଏଣ୍ଟ ଅଧିକ ପାଇ ବିଜୟୀ ଘୋଷିତ ହୋଇଥିଲା ।
ଖେଲଟିକୁ ଦେବନମୟ ମିଶ୍ର ପରିଚାଳନା କରିଥିଲେ। ଏହି ଅବସରରେ ଆୟୋଜିତ ଉଦ୍ଯାପନୀ ଉତ୍ସବରେ ମୁଖ୍ଯ ଅତିଥି ରୁପେ ଖପ୍ରାଖୋଲ ସରପଞ୍ଚ ଉପେନ୍ଦ୍ର ଭୋଇ , ସମ୍ମାନୀୟ ଅତିଥି ଭାବେ ପିଙ୍କି ଦଣ୍ଡସେନା, ୱାର୍ଡସଭ୍ୟ କଲାକାହ୍ନୁ ବିଶ୍ୱାଳ, ମହାବୀର ସିଂ ବରିହା ପ୍ରମୁଖ ଯୋଗଦେଇ ଥିଲେ l ଚମ୍ପିୟାନ ଦଳ କୁ ଟ୍ରଫି ସହ ୨୫ ଶହ ଏବଂ ରନର୍ସଅପ୍ ଦଳ କୁ ୨ହଜାର ଟଙ୍କା ପ୍ରଦାନ କରିଥିଲେ। କପସିପାଲି ଭଲିବଲ ସଂଘର ଉମେଶ ସାହୁ, ଆଲୋକ ବିଶ୍ୱାଳ,ରୋମିଓ ସାହୁ, ଟୁଲୁ ବରିହା, ଜିତୁ ସାହୁ ପ୍ରମୁଖ ସହଯୋଗ କରିଥିଲେ l
