ଭୁବନେଶ୍ବର ୧୩।୫ : ମେ ୨୩ ତାରିଖ ଭୋଟ ଗଣତି ପାଇଁ ଆଜିଠୁ ଆରମ୍ଭ ହୋଇଛି ପ୍ରଶିକ୍ଷଣ । କେମିତି ତ୍ରୁଟିଶୂନ୍ୟ ଗଣତି ହେବ ସେନେଇ ଅଧିକାରୀମାନଙ୍କୁ ଟ୍ରେନିଂ ଦିଆଯାଉଛି। ଗୋଟିଏ ହଲରେ ବିଧାନସଭା ପାଇଁ ୭ଟି ଓ ଲୋକସଭା ପାଇଁ ୭ଟି ଟେବୁଲ ରହିବ । ଗୋଟିଏ ନିର୍ବାଚନ ମଣ୍ଡଳୀରୁ ୫ଟି ବୁଥରୁ ଭିଭିପ୍ୟାଟ ସହ ଇଭିଏମର ଭୋଟ ମେଳକ ହେବ।ଦୁଇଦିନିଆ ଟ୍ରେନିଂର ପ୍ରଥମ ଦିନରେ ୧୪ଟି ଜିଲ୍ଲାର ଜିଲ୍ଲାପାଳ ଓ ବିଧାନସଭା ଏବଂ ଲୋକସଭା ପାଇଁ ୧୧୫ ରିଟର୍ଣ୍ଣିଂ ଅଫିସରଙ୍କୁ ପ୍ରଶିକ୍ଷଣ ଦିଆଯାଉଛି । ଆଜି ଯେଉଁ ରିଟର୍ଣ୍ଣିଂ ଅଫିସର ପ୍ରଶିକ୍ଷଣ ନେଉଛନ୍ତି, ସେମାନେ ୨୦ ତାରିଖ ସୁଦ୍ଧା କାଉଣ୍ଟିଂ ସୁପର ଭାଇଜର ଓ ଅନ୍ୟ ଅଧିକାରୀମାନଙ୍କୁ ଟ୍ରେନିଂ ଦେବେ । ଏକ ସଙ୍ଗରେ ବିଧାନସଭା ଓ ଲୋକସଭା ଭୋଟ ଗଣତି ହେଉଥିବାରୁ ପାଖାପାଖି ୪୦ ରାଉଣ୍ଡ ଯାଏ ଭୋଟ ଗଣତି ହେବ ।
ମେ ୨୩ ଭୋଟ ଗଣତି ପାଇଁ ଆରମ୍ଭ ହେଲା ୨ ଦିନିଆ ପ୍ରଶିକ୍ଷଣ ଶିବିର
Posted on May 13, 2019 at 10:18 pm 
