ବରଗଡ/ଅତାବିରା:ବରଗଡ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଲସ୍ତଲା ଗ୍ରାମର ଦିନ ମଜୁରିଆ ଗରିବ ଲୋକ ପରଦେଶୀ ବଗର୍ତ୍ତୀ(୪୯) ଦୀର୍ଘ ୬୫ ବର୍ଷ ହେବ ବାପା ଅଜା ଅମଲରୁ ଟିଟିଲାଗଡ ରୁ ଆସି ଲସ୍ତଲାର ହାଟପଦାରେ ସ୍ତ୍ରୀ ସମାରିଙ୍କ ସହ ତିନୋଟି ଝିଅ ଓ ଏକମାତ୍ର ୮ ବର୍ଷର ପୁତ୍ର ସଞ୍ଜିବ କୁ ନେଇ ବସବାସ କରିଆସୁଛନ୍ତି ।ସମସ୍ତଙ୍କ ପରି ନିଜ ପୁଅ ଝିଅଙ୍କୁ ଉଚ୍ଚ ଶିକ୍ଷିତ କରାଇବା ପାଇଁ ପରଦେଶୀଙ୍କ ଦେଖିଥିବା ସ୍ୱପ୍ନ ଅଧୁରା ରହିଗଲା।ଭାଗ୍ୟର ବିଡମ୍ବନା ଯେ ଦିନେ ବିଲରେ ଔଷଧ ସିଞ୍ଚନ କରି ଫେରିବାବେଲେ ତାଙ୍କ ଦେହ ହଠାତ୍ ଅସୁସ୍ଥ ହୋଇଯିବାରୁ ପ୍ରଥମେ ବରଗଡ ଓ ପରେ ବୁର୍ଲା ଡାକ୍ତରଖାନାକୁ ନିଆଗଲା ମଝିରେ ମଝିରେ ଭର୍ତ୍ତି କରାଇବା ଯୋଗୁଁ ହାତରେ ଥିବା ସମସ୍ତ ଅର୍ଥ ଖର୍ଚ୍ଚ ହୋଇଗଲା ।
ଘରେ ନିଜେ କେବଲ ରୋଜଗାର କ୍ଷମ ଥିବାବେଲେ ଘର ଚଲାଇବା କଷ୍ଟକର ହୋଇଗଲା ପରଦେଶୀଙ୍କର ।ବଡ ଝିଅଟି ବାଧ୍ୟ ହୋଇ ଦଶମ ଶ୍ରେଣୀ ପାଠ ପଢା ଛାଡି ଏବେ କୁଲି ମଜୁରି କାମ କରିବାକୁ ଯାଉଥିବାବେଲେ ପେଟ ପାଇଁ ଆହାର ଯୋଗାଣ ଓ ବାପାଙ୍କ ଔଷଧ ଖର୍ଚ୍ଚ ଯୋଗାଇବା ଅତି କଷ୍ଟକର ହୋଇପଡିଛି ।ତେଣୁ ଚିକିତ୍ସା ପାଇଁ ପରିବାର ବର୍ଗ ଜିଲ୍ଲା ପ୍ରସାଶନକୁ କିଛି ଆର୍ଥିକ ସହାୟତା ଯୋଗାଇଦେବାକୁ ଦାବୀ କରିଛନ୍ତି ।
