କଳାହାଣ୍ଡି:(ନରେନ୍ଦ୍ର ନେଗୀ/ ଅର୍ଜୁନ ପଟ୍ଟନାୟକ)ପବିତ୍ର ପାର୍ବଣ ଅବସରରେ ସମଗ୍ର ଜନସମାଜ ଚଳଚଞ୍ଚଳ ହୋଇ ଉଠିଥିଲା। ମାଁଙ୍କ ବିଭିନ୍ନ ରୀତିନୀତି କୁ ଅତି ନୈଷ୍ଠିକତାର ସହ ସମ୍ପାଦନା କରିଥିଲେ ସମସ୍ତ୍ରେ ।
କାରୁଣ୍ଡ ରାଜ୍ୟର ଅଧିଷ୍ଠାତ୍ରୀ ଦେବୀ ମା ମାଣିକେଶ୍ଵରୀ ଙ୍କ ବିଶ୍ଵ ପ୍ରସିଦ୍ଧ ଛତର ଯାତ୍ରା ସୁରୁଖୁରୁରେ ସମ୍ପାଦିତ ହୋଇଥିବା ବେଳେ ଲାଖମରା ଉତ୍ସବ ମଧ୍ଯ ବିଧି ଓ ପରମ୍ପରା ମୁତାବକ ପାଳିତ ହୋଇଯାଇଛି। ମା ମାଣିକେଶ୍ଵରୀ ଙ୍କ ପ୍ରତୀକ ଙ୍କୁ ଏକ ପଟୁଆର ରେ ସହର ଉପକଣ୍ଠସ୍ଥ ଲାଖ ମରା ପଡିଆ କୁ ନେଇ ଅବସ୍ଥାପିତ କରି ପୂଜାର୍ଚ୍ଚନା କରାଯାଇଥିଲା। ଖୋଦ୍ କଳାହାଣ୍ଡି ମହାରାଜା ଅନନ୍ତ ପ୍ରତାପ ଦେଓ ମଧ୍ଯ ବିଧି ମୁତାବକ ମାଁ ଙ୍କ ପୂଜାର୍ଚ୍ଚନା କରିଥିଲେ।
ଲକ୍ଷ୍ୟ ଭେଦ ବା ଲାଖ ମରା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ବିଜୟ ଯାତ୍ରାର ପ୍ରତୀକ ସ୍ୱରୁପ ବିଧି ଅନୁଯାୟୀ ଏକ ସୁ ଉଚ୍ଚ ଖମ୍ବ ରେ ମା ମାଣିକେଶ୍ଵରୀ ଙ୍କ ପ୍ରସାଦ ଥିବା ଏକ ହାଣ୍ଡି କୁ ଲକ୍ଷ୍ୟଭେଦ ପାଇଁ ପ୍ରତିଯୋଗିତା ହୋଇଥାଏ। କୃତକାର୍ଯ୍ୟ ହୋଇଥିବା ବ୍ୟକ୍ତିଙ୍କୁ ପୁରସ୍କୃତ ବ୍ୟବସ୍ଥା ରହିଥିବା ଏହି କାର୍ଯ୍ୟକ୍ରମରେ ମହାରାଜାଙ୍କ ସମେତ ରାଜ ପରିବାର ର ସଦସ୍ୟ ବହୁ ଜନସାଧାରଣ ଓ ଶ୍ରଦ୍ଧାଳୁ ଯୋଗ ଦେଇଥିଲେ। କଥିତ ଅଛି ଯେ ମାଁଙ୍କ ଛତର ଯାତ୍ରା ସମୟରେ ଯେଉଁମାନେ ମାଙ୍କ ଦର୍ଶନ କରିପାରନ୍ତି ନାହିଁ ସେମାନେ ଏହି ପଡିଆରେ ମାଁ ଙ୍କ ଦର୍ଶନ ଲାଭ କରିଥାନ୍ତି।
