ଯାଜପୁର ଜିଲାରେ ଆସନ୍ତା ୨୯ ତାରିଖରେ ଅନୁଷ୍ଠିତ ହେବ ସାଧାରଣ ନିର୍ବାଚନ,ଚାଲିଛି ପ୍ରାର୍ଥୀ ପାତ୍ର ଦାଖଲ

Posted on April 6, 2019 at 5:50 pm by Aei Odisha

2124 171

ଯାଜପୁର:୦୬/୦୪ ଜିଲାରେ ଆସନ୍ତା ୨୯ ତାରିଖରେ ଅନୁଷ୍ଠିତ ହେବ ସାଧାରଣ ନିର୍ବାଚନ । ଜିଲାର ୭ଟି ବିଧାନସଭା ଓ ଗୋଟିଏ ଲୋକସଭା ଆସନ ପାଇଁ ଅନୁଷ୍ଠିତ ହେବ ନିର୍ବାଚନ । ଏଥିପାଇଁ ଗତ ଦୁଇ ତାରିଖରୁ ଆରମ୍ଭ ହୋଇଛି ପ୍ରାର୍ଥୀଙ୍କ ନାମାଙ୍କନ ପତ୍ର ଦାଖଲ ପ୍ରକ୍ରିୟା । ଜିଲାରେ ବିଜେଡି,ବିଜେପି ଓ କଂଗ୍ରେସ ଭଳି ପ୍ରମୁଖ ରାଜନୈତିକ ଦଳ ର ପ୍ରାର୍ଥୀ ମାନେ ନିଜର ନାମାଙ୍କନ ଦାଖଲ କରିବାରେ ଲାଗିଛନ୍ତି । ସେପଟେ ଟିକେଟ ପାଇବା ପରେ ପ୍ରାର୍ଥୀ ମାନେ ଭୋଟରଙ୍କୁ ମନେଇବା ପାଇଁ ଦିନରାତି ଏକ କରି ପ୍ରଚାରରେ ମଧ୍ୟ ମାତିଛନ୍ତି ।

ଯାଜପୁର ଜିଲାରେ ୭ଟି ବିଧାନସଭା ଓ ଗୋଟିଏ ଲୋକସଭା ଆସନ ପାଇଁ ଅନୁଷ୍ଠିତ ହେବ ସାଧାରଣ ନିର୍ବାଚନ । ଏଥିପାଇଁ ଆରମ୍ଭ ହୋଇଗଲାଣି ନାମାଙ୍କନ ଦାଖଲ ପ୍ରକ୍ରିୟା । ଗତ ଦୁଇ ତାରିଖରୁ ଆରମ୍ଭ ହୋଇଥିବା ନାମାଙ୍କନ ପତ୍ର ଦାଖଲ ଆସନ୍ତା ୯ତାରିଖ ପର୍ଯ୍ୟନ୍ତ ଚାଲିବ । ପ୍ରାର୍ଥୀ ମାନେ ନିଜ ଦଳୀୟ କର୍ମୀ ଓ ସମର୍ଥକଙ୍କ ସହିତ ନିଜ ନିଜ ନିର୍ବାଚନ ମଣ୍ଡଳୀରୁ ଶୋଭାଯାତ୍ରାରେ ବାହାରି ଜିଲାପାଳ ଅପିଂସରେ ପହଂଚି ନିଜର ନାମାଙ୍କନ ପତ୍ର ଦାଖଲ କରୁଛନ୍ତି । ସ୍ଥାନୀୟ ଅଂଚଳର ସମସ୍ୟା,ଦୁର୍ନିତି ସହିତ ବିକାଶ କୁ ପ୍ରସଂଗ କରି ନିର୍ବାଚନ ବୈତରଣୀ ପାରି ହେବାକୁ ଲକ୍ଷ୍ୟ ରଖିଛନ୍ତି ପ୍ରାର୍ଥୀ ।

ପ୍ରାୟ ସମସ୍ତ ଦଳ ପକ୍ଷରୁ ଟିକେଟ ଘୋଷଣା ସରିବା ପରେ କିଏ ଘରକୁ ଘର ବୁଲି ଭୋଟରଙ୍କ ମନଜିଣିବାକୁ ଉଦ୍ୟମ କରୁଛି ତ ଆଉ କିଏ ଦିନ ରାତି ନିଜର ପ୍ରଚାରରେ ବ୍ୟସ୍ତ ରହୁଛନ୍ତି । ଶାସକ ବିଜୁ ଜନତା ଦଳର ପ୍ରାର୍ଥୀ ମାନେ ମୁଖ୍ୟତଃ ରାଜ୍ୟସରକାରଙ୍କ ବିକାଶ ମୂଳକ କାର୍ଯ୍ୟକୁ ପ୍ରସଂଗ କରି ଭୋଟ ଭିକ୍ଷା କରୁଛନ୍ତି । ଯାଜପୁର ଜିଲାର ସମସ୍ତ ୭ଟି ବିଧାନସଭା ଆସନକୁ କବଜା କରିଛି ବିଜେଡି । ୨୦୧୯ରେ ଏହି ଗଡକୁ ପୁନଃର୍ବାର କବଜା କରିବାକୁ ମଧ୍ୟ ଲକ୍ଷ୍ୟ ରଖିଛି ବିଜେଡି । ଏ ପର୍ଯ୍ୟନ୍ତ ୧୫ ଜଣ ବିଧାନସଭା ଓ ଜଣେ ଲୋକସଭା ଆସନ ପାଇଁ ନାମାଙ୍କନ ପତ୍ର ଦାଖଲ ହୋଇଛି । ସେହିପରି ଆସନ୍ତା ୮ ଓ ୯ ତାରିଖ ଦିନ ସବୁଠାରୁ ଅଧିକ ସଂଖ୍ୟକ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିବାର ସମ୍ଭାବନା ରହିଛି । ଆସନ୍ତା ୧୦ତାରିଖ ଦିନ ପ୍ରାର୍ଥୀ ପତ୍ର ଯାଂଚ ଓ ୧୨ ତାରିଖ ଦିନ ପ୍ରାର୍ଥୀପତ୍ର ପ୍ରତ୍ୟାହର ପାଇଁ ଦିନ ଧାର୍ଯ୍ୟ କରାଯାଇଛି ।ପ୍ରାର୍ଥୀଙ୍କ ନାମାଙ୍କନ ଦାଖଲ ପରେ ଜିଲାର ରାଜନୈତିକ ପାଣିପାଗ ଟିକେ ସରଗରମ ହେବାରେ ଲାଗିଛି ।