ବୌଦ୍ଧ(ଚିତ୍ତ ରଞ୍ଜନ ସିଂହ)ବୌଦ୍ଧ ଜିଲ୍ଲା ଲଷ୍ମୀପ୍ରସାଦ ପଂଚାୟତ ଅନ୍ତର୍ଗତ ଜଗତି ନିକଟସ୍ଥ ଐତିହାସିକ ଚାରିଶମ୍ଭୁ ମନ୍ଦିରକୁ ଆଜି ଦିନିକିଆ ଗସ୍ତରେ ଆସି ବିଜେପିର ରାଷ୍ଟ୍ରୀୟ ଉପ।ଧ୍ୟକ୍ଷ ବୈଜୟନ୍ତ ପଣ୍ଡା ମନ୍ଦିର ଦର୍ଶନ କରିବା ସହିତ ଏହାର ପ୍ରୁଷ୍ଠ ଭୁମି ଉପରେ ଅବଗତ ହୋଇଥିଲେ।ପରେ ନାରାୟଣନଗର ଠାରେ ଯୁଗ୍ମ ଶ୍ରୀଜଗନ୍ନାଥ ଓ ଶ୍ରୀରାମ ମନ୍ଦିର ବୁଲି ଦେଖିଥିଲେ।
ସୂଚନାଯୋଗ୍ୟ ଯେ ୨୦୧୮ ମସିହାରେ ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ବଲାଙ୍ଗୀର ର ଏକ ନିର୍ବାଚନ ସଭାରେ ରାଣୀପୁର ଝରୀଆଲ, ବୌଦ୍ଧ ରାମେଶ୍ୱର ମନ୍ଦିର ଓ ଚାରିଶମ୍ଭୁ ମନ୍ଦିରର ଉନ୍ନତିକରଣ ପାଇଁ ୨୦ କୋଟି ଟଙ୍କା ର ପ୍ୟାକେଜ ଘୋଷଣା କରିଥିଲେ।ତତ ମଧ୍ୟରୁ ଚାରିଶମ୍ଭୁର ଭାଗ ୫ କୋଟି ରହିଛି।ତେବେ କେଉଁ କାରଣରୁ ଏହା ଅଟକିଛି ଏହାର ଅନୁଧ୍ୟାନ କରିବି ବୋଲି ଶ୍ରୀ ପଣ୍ଡା କହିଥିଲେ।
ତେବେ ଶୀଘ୍ର କିପରି ଏହାର ଉନ୍ନତିକରଣ ଓ ଜଂହାପଙ୍କଠାରୁ ଚାରିଶମ୍ଭୁ ପର୍ଯ୍ୟନ୍ତ ଆଲୋକୀକରଣ ହେବ ବୌଦ୍ଧ ଜିଲ୍ଲା ବିଜେପି ସଭାପତି ବିପ୍ର ଚରଣ ମହାନ୍ତି ଦୃଷ୍ଟି ଆକର୍ଷଣ କରିଥିଲେ।ଏହି ପରିଦର୍ଶନ ବେଳେ ଗବେଷକ ତଥା ନାଗରିକ କମିଟିର ଆବାହକ ବିଶ୍ୱେଶ୍ୱର ପୃଷ୍ଟି, ଲଷ୍ମୀପ୍ରସାଦ ସରପଞ୍ଚ ରାଜେନ୍ଦ୍ର ମେହେର, ସତ୍ୟାନନ୍ଦ ପାଣ୍ଡେ ପ୍ରମୁଖ ଉପସ୍ଥିତ ଥିଲେ।
