ବୌଦ୍ଧ:(ଚିତ୍ତରଂଜନସିଂ)ବୌଦ୍ଧ ପଞ୍ଚାୟତ ମହାବିଦ୍ୟାଳୟ ର ପୂର୍ବତନ ଛାତ୍ର ସଂସଦ ସଭାପତି ତୋଫାନ ପରିଡ଼ା ଙ୍କ ନେତୃତ୍ବରେ ଏକ ଛାତ୍ର ଟିମ୍ ବୌଦ୍ଧ ପଞ୍ଚାୟତ ମହାବିଦ୍ୟାଳୟକୁ ସରକାରୀ ମାନ୍ୟତା ପ୍ରଦାନ ଦାବିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଜିଲ୍ଲାପାଳ ଲଲାଟେନ୍ଦୁ ମିଶ୍ରଙ୍କ ଜରିଆରେ ଦାବି ପତ୍ର ପ୍ରଦାନ କରାଯାଇଛି । ସ୍ଥାନୀୟ ବିଧାୟକ ତଥା ପୂର୍ବତନ ବାଚସ୍ପତି ଶ୍ରୀଯୁକ୍ତ ପ୍ରଦୀପ କୁମାର ଅମାତଙ୍କୁ ମଧ୍ୟ ଏକ ଦାବିପତ୍ର ଦେଇ ଅନୁରୋଧ କରିଛନ୍ତି ଛାତ୍ରଛାତ୍ରୀ ।
ଏହାକୁ ନେଇ ମହାବିଦ୍ୟାଳୟରେ ଏକ ଦସ୍ତଖତ ଅଭିଯାନ ମଧ୍ୟ ହୋଇଥିଲା। ବୌଦ୍ଧ ପଞ୍ଚାୟତ ମହାବିଦ୍ୟାଳୟ ଜିଲ୍ଲା ମୁଖ୍ୟ ତଥା ସର୍ବପୁରାତନ ମହାବିଦ୍ୟାଳୟ ହୋଇଥିଲେ ମଧ୍ୟ ସରକାରୀ ମାନ୍ୟତା ଦାବିରେ ଯୋଗଦାନ ପାଇଁ ଜନସାଧାରଣଙ୍କ ସହଯୋଗ ଲୋଡ଼ିଥିଲେ । ଅନ୍ୟ ସମସ୍ତ ଟିମ୍ ସଦସ୍ୟ ସଦସ୍ୟାଙ୍କ ମଧ୍ୟରେ ସାର୍ଥକ ମହାପାତ୍ର, ରାମଚନ୍ଦ୍ର ସେଠୀ, ଶ୍ରୀତମ୍ କଲତା, ଅଂଶୁମାନ ହୋତା ପ୍ରମୁଖ ସାମିଲ ଥିଲେ । ଏ ମହତ କାର୍ଯ୍ୟରେ ଅନ୍ୟ ସମସ୍ତ ସଂଗଠନ ଏକାଠି ହେବାର ଆବଶ୍ୟକ ଅଛି ବୋଲି କହିଥିଲେ ଆବାହକ ।
