ନୀଳଗିରି:(ସୌମ୍ୟାସାଇ ବାରିକ)ନୀଳଗିରି ପାଇଁ ଏକ ଅଶୁଭ ଦିନ । ଗୋଟାଏ ଦିନ ରେ ଅଘଟଣ ରେ ଦୁଇ ଜଣଙ୍କ ମୃତ୍ୟୁ ହୋଇଛି। ଭାଲୁ ଆକ୍ରମଣ ରେ ଜଣେ ମହିଳା ଗୁରୁତର ହୋଇଛନ୍ତି। ସୂଚନା ଅନୁଯାୟୀ, ଡିହିରାକୂଳ, ଶଙ୍କରା ଖୁଣ୍ଟା ଗାଆଁ ର ଲାଲ୍ ମୋହନ ସିଂ (୫୦), ଗାଆଁ ନିକଟସ୍ଥ ଏକ ପୋଲ ରେ ବସିଥିବା ସମୟରେ, ପୋଲ ତଳକୁ ଖସି ପଡ଼ିବା ରୁ, ତାଙ୍କର ମୃତ୍ୟୁ ଘଟିଛି। ପରିବାର ଲୋକେ ତାଙ୍କୁ ନୀଳଗିରି ଡାକ୍ତରଖାନା ଆଣିଥିଲେ ମଧ୍ୟ, ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି।
ଜେଜେ ଦଶାହ କାର୍ଯ୍ୟ କୁ ଯାଇ ୨୧ ବର୍ଷ ର ଯୁବକ ଓଁକାର ମହାପାତ୍ର ଙ୍କ ମୃତ୍ୟୁ ଘଟିଥିଲା ବେଳେ , ଆଜି ଦିନ ୧୦ ଘଟିକା ସମୟ ରେ କାଠ ଗୋଛି ଆନନ୍ଦପୁର ଗାଆଁ ର ଦୁନମଣି ସିଂ (୬୦) ଗୁରୁତର ହୋଇ ନୀଳଗିରି ଡାକ୍ତର ଖନା ରେ ଚିକିତ୍ସିତ ହେଉଛନ୍ତି।ଦୁନମଣି ମହିସାପଟା ଝିଅ ଘରକୁ ବୁଲିବାକୁ ଯାଇ ଥିଲେ । ଝିଅ ଘରୁ ଜଙ୍ଗଲିଆ ରାସ୍ତା ରେ ଘରକୁ ଫେରୁଥିବା ସମୟରେ, ବନ୍ୟ ଭାଲୁ ଟି ପଛ ପଟୁ ତାଙ୍କ ମଥା କୁ ଆକ୍ରମଣ କରିଥିଲା ।
ସାହସ ର ସହିତ ବୃଦ୍ଧା ଟି ଭାଲୁ ମୁହଁରେ, ହାତରେ ଧରିଥିବା ବାଡି ରେ ପାହରେ ପକାଇବାରୁ, ଭାଲୁ ଟି ଜଙ୍ଗଲ ମଧ୍ୟକୁ ପଳାଇ ଥିଲା। ସ୍ଥାନୀୟ ଲୋକେ ଏକଯୁଟ ହୋଇ, ବୃଦ୍ଧା ଙ୍କୁ ନୀଳଗିରି ଡାକ୍ତରଖାନା ଆଣିଥିଲେ।
