ବରୀ:(ସ୍ନେହଂଶୁ ଶେଖର ମହାନ୍ତି )ବରୀ ବ୍ଲକ ସ୍ଥିତ ସନ୍ଥନ ମହାବିଦ୍ୟାଳୟ ବାଲିଆପାଳ ଠାରେ ଗୀତାବାଣୀ ପ୍ରଚାର ସମିତିର ଅଧ୍ୟକ୍ଷ ସ୍ୱର୍ଗତ ଜନାର୍ଦ୍ଦନ ସାହୁଙ୍କ ଚତୁର୍ଥ ଶ୍ରାଦ୍ଧ ବାର୍ଷିକ ଉପଲକ୍ଷେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ବରୀ ଥାନା ଅଧିକାରୀ ଅଜୟ କୁମାର ଜେନା, ସନ୍ଥନ ମହାବିଦ୍ୟାଳୟର ଅଧ୍ୟକ୍ଷ ବିଜୟ କୁମାର ଦାସ, ସିଏସି ଅଲ ଓଡ଼ିଶା ମୁଖ୍ୟ ଦେବୀଦତ ମହାନ୍ତି, ସିଏସ୍ସି ଯାଜପୁର ଜିଲ୍ଲା ମୁଖ୍ୟ ସୌମ୍ୟ ରଂଜନ ଦାସ ଉଦ୍ଘାଟନ କରିଥିଲେ ।
ଏଥିରେ ୭୧ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । ଏହି କାର୍ଯ୍ୟକ୍ରମ ଅନୁଷ୍ଠାନର ସମ୍ପାଦିକା ଅନ୍ନପୂର୍ଣ୍ଣା ସାହୁ, ଅପୂର୍ବ ରଂଜନ ସାହୁ, ଅମୂଲ୍ୟ ରଂଜନ ସାହୁ, ପ୍ରିୟ ନାଥ ନାୟକ, ଅନିତା ନାୟକ, ମାନସୀ ସାହୁ, ସିଦ୍ଧାର୍ଥ ସାହୁ, ସୋନାଲିସା ରାଉତ, ସତ୍ୟରଂଜନ କର, ନିରଂଜନ ଦାସ, ସୁବ୍ରତ ଜେନା, ସୁମିତ୍ରା ସାହୁ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।
