ଫେଲ୍‌ ମାରିଲା ସ୍ମାର୍ଟ ଟ୍ରାଫିକ୍ ବ୍ୟବସ୍ଥା,ଅପରେସନ୍ ସେଣ୍ଟର କାମରେ ଲାଗିଲାନି,ଚାଲିଗଲା ଶିଶୁ ର ଜୀବନ

879 0

ଭୁବନେଶ୍ବର :ହକି ବିଶ୍ବକପ୍‌ ପୂର୍ବରୁ ଭୁବନେଶ୍ବର ସ୍ମାର୍ଟ ସିଟି ଲିମିଟେଡ କର୍ତ୍ତୃପକ୍ଷ ଛାତି ଫୁଲାଇ କହିଲେ ଏଣିକି ରାଜଧାନୀରେ କୌଣସି ଜରୁରୀକାଳୀନ ପରିସ୍ଥିତି ଉପୁଜିଲେ, ଟ୍ରାଫିକ ଡାଇଭର୍ଟ କରିବାକୁ ହେଲେ ବା ସର୍ବସାଧାରଣ ସୂଚନା ହଠାତ୍ ଦେବାକୁ ଥିଲେ ତତ୍‌କ୍ଷଣାତ୍ ଲୋକଙ୍କ ପାଖରେ ସୂଚନା ପହଞ୍ଚିଯିବ। ଏଥିପାଇଁ ୭ଟି ଛକରେ ମାଇକ୍ ଲଗାଇ ପ୍ରଚାର କରାଯିବ। ରୁପାଲି ଛକ, କଳ୍ପନା ଛକ, ବିମାନବନ୍ଦର ଛକ, ନିକୋ ପାର୍କ ଛକ, ପାୱାର ହାଉସ୍ ଛକ, କଳିଙ୍ଗ ହସ୍ପିଟାଲ ଛକ, ପଟିଆ ଛକରେ ଏହି ବ୍ୟବସ୍ଥା ରହିବ। ଏଠାରେ ମାଇକ୍ରୋଫୋନ୍, ଲାଉଡ୍‌ ସ୍ପିକର୍, ଆମ୍ପ୍ଲିଫାୟାର ରହିଛି। ଏହି ସବୁ ସ୍ଥାନରେ ଏହା ବି ଲାଗିଛି। ଆଜି ଜନପଥରେ ଅଚଳାବସ୍ଥା ସୃଷ୍ଟି ହୋଇଥିଲେ ବି ବିଓସି ପକ୍ଷରୁ ଏହାକୁ ବ୍ୟବହାର କରାଯାଇ ନଥିଲା। ଲୋକଙ୍କୁ ଆଗୁଆ ସଚେତନ କରା ନଯିବାରୁ ଭିଡ଼ରେ ଫସିଲେ। କିନ୍ତୁ ନିୟମ କରିଥିବା ଅଧିକାରୀ ଏସବୁ ବିଷୟରେ ଅଜ୍ଞ ଥିଲେ। ବୋଧହୁଏ କର୍ତ୍ତୃପକ୍ଷଙ୍କ ଏହା ଜରୁରୀକାଳୀନ ପରିସ୍ଥିତି ନଥିଲା କି ଅସମ୍ଭାଳ ଭିଡ଼ ଜମି ନଥିଲା।ରାଜଧାନୀରେ ଭିଡ଼ ନିୟନ୍ତ୍ରଣଠାରୁ ଆରମ୍ଭ କରି ଜରୁରୀକାଳୀନ ପରିସ୍ଥିତି ପର୍ଯ୍ୟନ୍ତ ସବୁକୁ ଠିକଣା ଢଙ୍ଗରେ ମୁକାବିଲା କରିବା ପାଇଁ ଏହି ସବୁ ଯୋଜନା ହୋଇଛି ବୋଲି ଭୁବନେଶ୍ବର ସ୍ମାର୍ଟ ସିଟି ଲିମିଟେଡ୍‌ କର୍ତ୍ତୃପକ୍ଷ କହୁଥିଲେ। କିନ୍ତୁ ଆଜିର ଘଟଣା ପରେ ଏହା ସବୁ ପ୍ରହେଳିକା ବୋଲି ପ୍ରମାଣିତ ହୋଇଛି। ଭିଡ଼ରେ ଫସି ଜଣେ କୁନି ଶିଶୁର ଜୀବନ ଚାଲିଗଲା, ହଜାରହଜାର ଲୋକ ପ୍ରାୟ ସାଢ଼େ ୩ଘଣ୍ଟା ଭିଡ଼ରେ ଫସିଗଲେ। କିନ୍ତୁ ସ୍ମାର୍ଟ ସିଟି ଯୋଜନା କାମ କଲାନି।

ପ୍ରାୟ ସାଢ଼େ ୩ଘଣ୍ଟା ପୂରା ଅଚଳାବସ୍ଥା ସୃଷ୍ଟି ହୋଇଗଲା। ରାସ୍ତା ଉପରେ ପିଲାରୁ ବୁଢ଼ା ଯିଏ ଯେଉଁଠି ଥିଲେ ସେଇଠି ରହିଗଲେ। ଟ୍ରାଫିକ ପୁଲିସ ପୂରା ପଙ୍ଗୁ ପାଲଟିଗଲା କମିସନେରଟ୍ ପୁଲିସର ନାରା ‘ୱି କେୟାର, ୱି ଡେୟାର’ ଆଜି ପ୍ରହସନ ପାଲଟିଗଲା। ନା ଥିଲା କେୟାର, ନା ଥିଲା ଭିଡ଼ରୁ ବାହାର କରିବାର ଡେୟାର। ଯାହା ଘଟୁଥିଲା ସେମତି ଘଟିବାକୁ ଛାଡ଼ି ଦେଇଥିଲେ। ଏହିଭଳି ଘଟଣା ଆଜି ନୂଆ ନଥିଲା କିନ୍ତୁ କମିସନରେଟ୍ ପୁଲିସ ପୂର୍ବରୁ ଏମିତି କେବେ ପଙ୍ଗୁ ପାଲଟି ଯାଇନଥିଲା।

ରାଜଧାନୀର ଭିଡ଼କୁ ନିୟନ୍ତ୍ରଣ କରିବାକୁ ଆରମ୍ଭ ହୋଇଛି ସ୍ବୟଂଚାଳିତ ଟ୍ରାଫିକ ସିଗନାଲ୍‌ ବ୍ୟବସ୍ଥା। ଏଥିରେ କେବଳ ଟ୍ରାଫିକ୍ ସିଗନାଲ୍‌ ସ୍ବୟଂଚାଳିତ ହୋଇନି ବରଂ ଟ୍ରାଫିକ ଭିତ୍ତିଭୂମିକୁ ସୁଦୃଢ଼ କରାଯାଇଛି। ଦୁଇ ମାସ ହେଲା ଏହା ପୂର୍ଣ୍ଣ କାର୍ଯ୍ୟକ୍ଷମ ହେଉଥିବା କର୍ତ୍ତୃପକ୍ଷ କହୁଥିଲେ ହେଁ ଏହା କେଉଁ କାମରେ ଲାଗୁଛି ତାହା କେହି ଜାଣିପାରୁନାହାନ୍ତି।

Related Post

ଟିଟିଲାଗଡ ବିକାଶ ସେନା ତରଫରୁ ଅନ୍ତର୍ଜାତୀୟ ସ୍ବେଛାସେବୀ ଦିବସ ପାଳିତ

Posted by - December 5, 2021 0
ଟିଟିଲାଗଡ:(ସଞ୍ଜୟ କୁମାର ନାୟକ)ଟିଟିଲାଗଡ ବିକାଶ ସେନା ତରଫରୁ ଆଜି ଅନ୍ତର୍ଜାତୀୟ ସ୍ବେଚ୍ଛାସେବୀ ଦିବସ ପାଳନ କରାଯାଇଛି। ଏହି ପରିପ୍ରେକ୍ଷୀରେ ଟିଟିଲାଗଡ ଇରିଗେସନ ଡାକବଙ୍ଗଳା ଠାରେ ଏକ ବୈଠକ…

ମହାତ୍ମା ଗାନ୍ଧୀଙ୍କ ଓଡିଶା ଆଗମନର ଶତବାର୍ଷିକୀ ଉପଲକ୍ଷେ

Posted by - March 23, 2021 0
୧୯୨୧ ମସିହା ମାର୍ଚ୍ଚ ୨୩ ତାରିଖ। ସେଇ ଦିନଟି ଥିଲା ଓଡ଼ିଶା ଜନଜୀବନର ମହାନ୍‌ ପର୍ବ ଦୋଳପୂର୍ଣ୍ଣିମା। ଚାରିଆଡ଼େ ଦୋଳ ଉତ୍ସବର ପବିତ୍ର ପରିବେଶ। ଠାକୁରମାନଙ୍କର ମେଳଣ…

ରୋଟାରୀ କ୍ଳବ ତରଫରୁ ରକ୍ତଦାନ ଶିବିର

Posted by - July 3, 2022 0
ସମ୍ବଲପୁର:(ରମାକାନ୍ତ ବିଶ୍ବାଳ)ସମ୍ବଲପୁର ଠାରେ ଜନସେବା ପାଇଁ କାର୍ଯ୍ୟ କରୁଥିବା ବିଭିନ୍ନ ରୋଟାରୀ କ୍ଳବ ତରଫରୁ ଆଜି ଥିଲା ରୋଟାରୀ କ୍ୟାଲେଣ୍ଡର ର ପ୍ରଥମ କାର୍ଯ୍ୟ ଦିବସର ଦିନ…

ଚିନ୍ମୟ ଫାଉଣ୍ଡେସନକୁ ମିଳିଲା ବିଶ୍ୱବନ୍ଧୁ ସେବା ସମ୍ମାନ

Posted by - April 2, 2021 0
ଯାଜପୁର: ଦେଶର ଅଗ୍ରଣୀ ସମାଜ କଲ୍ୟାଣକାରୀ ଲୋକସଂଗଠନ ଚିନ୍ମୟ ଫାଉଣ୍ଡେସନକୁ ଆଜି ଯାଜପୁର ଜିଲ୍ଲାର ଅଗ୍ରଣୀ ସମାଜସେବା ଅନୁଷ୍ଠାନ ହେଲପିଙ୍ଗ ହ୍ୟାଣ୍ଡସ ପକ୍ଷରୁ ବିଶ୍ୱବନ୍ଧୁ ସମ୍ମାନ-୨୦୨୧ରେ ସମ୍ବର୍ଦ୍ଧିତ…

ଏବେବି ମାନବିକତା ବଞ୍ଚିଛି ଚର୍ଚ୍ଚାରେ ସମ୍ବଲପୁର ପୋଲିସ

Posted by - October 21, 2021 0
ସମ୍ବଲପୁର:(ରମାକାନ୍ତ ବିଶ୍ବାଳ)ମାନବିକତା ଦେଖାଇଲା ସମ୍ବଲପୁର ପୋଲିସ । ଜଣେ ଅସହାୟ ରୋଗୀ ମେଡିକାଲ ରୁ ଚିକିତ୍ସିତ ହୋଇ ସୁସ୍ଥ ହେବା ପରେ ସମ୍ବଲପୁର ପୋଲିସ ଏକ ଆମ୍ବୁଲାନ୍ସ…

Leave a comment

Your email address will not be published.