ଯାଜପୁର ରେ ବରୁଣେଶ୍ୱର ମହୋତ୍ସବ ଆୟୋଜନକୁ ନେଇ ଦେଖାଦେଇଛି ବିିବାଦ

2184 0

ଯାଜପୁର ଜିଲା ବିଂଝାରପୁରରେ ବରୁଣେଶ୍ୱର ମହୋତ୍ସବ ଆୟୋଜନକୁ ନେଇ ଦେଖାଦେଇଛି ବିିବାଦ । ଦୀର୍ଘବର୍ଷ ଧରି ଏହି ମହୋତ୍ସବକୁ ଅରେଇ ପଂଚାୟତ ଆୟୋଜନ କରି ଆସୁଥିବା ବେଳେ ଚଳିତ ବର୍ଷ ଏଥିରେ ହସ୍ତକ୍ଷେପ କରିଛି ପ୍ରଶାସନ । ବରୁଣେଶ୍ୱର ଉନ୍ନୟନ ପରିଷଦ ଏହାକୁ ଆୟୋଜନ କରିବାକୁ ପ୍ରଶାସନ ଜିଦ ଧରି ବସିଥିବା ବେଳେ ଏହାର ଦୃଢ଼ ବିରୋଧ କରିଛନ୍ତି ସ୍ଥାନୀୟ ବାସୀନ୍ଦା । ପୂର୍ବରୁ ଏହି ଉନ୍ନୟନ ପରିଷଦ ଓ ଅରେଇ ପଂଚାୟତ ମଧ୍ୟରେ ରହିଥିବା ବିବାଦ ହାଇକୋର୍ଟ ରେ ପହଂଚିଥିଲା ଓ ମହୋତ୍ସବ ଆୟୋଜନର ଦାୟିତ୍ୱ ଅରେଇ ପଂଚାୟତକୁ ଦେଇଥିଲେ ମାନ୍ୟବର ହାଇକୋର୍ଟ । ଏହି ବିବାଦ ଯୋଗୁଁ ମକର ସଂକ୍ରାନ୍ତି ଠାରୁ ଆରମ୍ଭ ହେବାକୁ ଥିବା ଏହି ମହୋତ୍ସବ ଚଳିତ ବର୍ଷ ହେବା ନେଇ ସନ୍ଦେହ ଦେଖାଦେଇଛି । ସେପଟେ ହାଇକୋର୍ଟ ଜିଲାପାଳ ଙ୍କୁ ମେଳା ଆୟୋଜନ ଦାୟିତ୍ୱ ଦେଇଛନ୍ତି ବୋଲି ଜିଲାପାଳ ସୂଚନା ଦେଇଛନ୍ତି ।ବିଂଝାରପୁର ବରୁଣେଶ୍ୱର ମହୋତ୍ସବ ଆୟୋଜନକୁ ଦେଖାଦେଇଛି ବିବାଦ । ଆୟୋଜକ ହେବାକୁ ଅରେଇ ପଂଚାୟତ ଓ ବରୁଣେଶ୍ୱର ଉନ୍ନୟନ ପରିଷଦ ପକ୍ଷରୁ ଟଣାଓଟରା । ଗତ ୧୯୫୯ ମସିହାରୁ ଏହି ମହୋତ୍ସବର ଆୟୋଜନ କରିଆସୁଛି ଅରେଇ ପଂଚାୟତ । ପଂଚାୟତର ସରପଂଚ ଏହାର ଦାୟିତ୍ୱ ନେଇଥାନ୍ତି । କିନ୍ତୁ ଚଳିତ ବର୍ଷ ଏହି ମହୋତ୍ସବକୁ ଆୟୋଜନ କରିବା ପାଇଁ ବରୁଣେଶ୍ୱର ଉନ୍ନୟନ ପରିଷଦ ଜିଦ ଧରିଥିବା ଅଭିଯୋଗ ହୋଇଛି । ପୂର୍ବରୁ ଏହି ମାମଲା ହାଇକୋର୍ଟ ପର୍ଯ୍ୟନ୍ତ ଯାଇଥିଲା । ଗତବର୍ଷ ଏହି ମାମଲାର ଶୁଣାଣୀ କରି ମାନ୍ୟବର ହାଇକୋର୍ଟ ଅରେଇ ପଂଚାୟତକୁ ଏହି ମହୋତ୍ସବ ଆୟୋଜନ ପାଇଁ ନିର୍ଦ୍ଦେଶ ଦେଇଥିଲେ । ଏପରିକି ସେତେବେଳେ ଉନ୍ନୟନ ପରିଷଦ ପକ୍ଷରୁ ଆଦାୟ କରାଯାଇଥିବା ରୟାଲିଟିକୁ ପଂଚାୟତର ଉନ୍ନୟନ ମୂଳକ କାର୍ଯ୍ୟରେ ଲଗାଇବାକୁ ମଧ୍ୟ ନିର୍ଦ୍ଧେଶ ଦେଇଥିଲେ ।

ପବିତ୍ର ମକର ସଂକ୍ରାନ୍ତି ଠାରୁ ବାବା ବରୁଣେଶ୍ୱରଙ୍କ ପୀଠରେ ଆୟୋଜିତ ହୁଏ ଏହି ପ୍ରସିଦ୍ଧ ବରୁଣେଶ୍ୱର ମହୋତ୍ସବ । ଯେଉଁଥିରେ ଲକ୍ଷାଧିକ ଲୋକଙ୍କ ସମାଗମ ହୁଏ । ଏକାଧିକ ଯାତ୍ରାପାର୍ଟି ଠାରୁ ଆରମ୍ଭ କରି ପଲ୍ଲିଶ୍ରୀ ମେଳା ଓ ମିନାବଜାର ପଡିଥାଏ । ବିଭିନ୍ନ ଦିନରେ ଆୟୋଜିତ ହୁଏ ସାଂସ୍କୃତିକ କାର୍ଯ୍ୟକ୍ରମ ଓ ଆଲୋଚନା ଚକ୍ର । କିନ୍ତୁ ଚଳିତ ବର୍ଷ ଏହି ମହୋତ୍ସବ ଆୟୋଜନକୁ ନେଇ ଦେଖାଦେଇଥିବା ବିବାଦ ଯୋଗୁଁ ସ୍ଥାନୀୟ ଅଂଚଳରେ ଚାପା ଉତେଜନା ପ୍ରକାଶ ପାଇଛି । ଜିଲାପ୍ରଶାସନ ତୁରନ୍ତ ଏଥିରେ ହସ୍ତକ୍ଷେପ କରି ପଂଚାୟତକୁ ମହୋତ୍ସବ ଆୟୋଜନ ନେଇ ଅନୁମତି ନ ଦେଲେ ଆନ୍ଦୋଳନକୁ ଓହ୍ଲାଇବାକୁ ସ୍ଥାନୀୟ ଗ୍ରାମବାସୀ ବାଧ୍ୟ ହେବେ ବୋଲି ଚେତାବନି ଦିଆଯାଇଛି । ସେପଟେ ଚଳିତ ବର୍ଷ ଏହି ମେଳା ଆୟୋଜନ ପାଇଁ ଜିଲାପାଳଙ୍କୁ ମାନ୍ୟବର ହାଇକୋର୍ଟ ନିର୍ଦ୍ଧେଶ ଦେଇଛନ୍ତି ବୋଲି ଜିଲାପାଳ ସୂଚନା ଦେଇଛନ୍ତି ।

Facebook Notice for EU! You need to login to view and post FB Comments!

Related Post

ଜିଲ୍ଲା ପ୍ରଶାସନ ଦ୍ୱାରା ନାବାଳିକା ଉଦ୍ଧାର

Posted by - May 31, 2022 0
ସୋନପୁର:(ଅଜିତ କୁମାର ପୂଜାହାରୀ)ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ- ୫ ଅନୁଯାୟୀ ସୁବର୍ଣ୍ଣପୁର ଜିଲ୍ଲାରେ ୧୬. ୯ %ବାଲ୍ୟ ବିବାହ ଏବଂ ୬.୩%ମହିଳା (୧୫ ରୁ ୧୯ )ବର୍ଷ…

ଯୁବତୀର ବେକରେ ରଶି ଲଗାଇ ନିଜ ଘରେ ଆତ୍ମହତ୍ୟା ଉଦ୍ୟମ

Posted by - June 19, 2021 0
ଯାଜପୁର: (ଆନନ୍ଦ ଚନ୍ଦ୍ର ସାହୁ )ଯାଜପୁର ଜିଲ୍ଲା ଦଶରଥପୁର ବ୍ଲକ ଅନ୍ତର୍ଗତ ମଙ୍ଗଳପୁର ବଜାର ଅଞ୍ଚଳରେ ଜଣେ ଯୁବତୀର ବେକରେ ରଶି ଲଗାଇ ନିଜ ଘରେ ଆତ୍ମହତ୍ୟା…

ସହିଦ CDS ଲେପ୍ଟେନାଣ୍ଟ ଜେନେରାଲ ବିପିନ ରାବତ ଙ୍କୁ ଶ୍ରଦ୍ଧାଞ୍ଜଲି ଜଣାଇଲା ବରଗଡ ଜିଲ୍ଲା ଛାତ୍ର କଂଗ୍ରେସ

Posted by - December 13, 2021 0
ବରଗଡ/ଅତାବିରା:ତାମିଲନାଡୁରେ ହେଲିକେପ୍ଟର ଦୁର୍ଘଟଣାରେ ସହିଦ ହୋଇଥିବା CDS ଲେପ୍ଟେନାଣ୍ଟ ଜେନେରାଲ ବିପିନ ରାବତ ଓ ତାଙ୍କ ପତ୍ନିଙ୍କ ସମେତ ୧୩ ଜଣ ସୈନ୍ୟ ଅଧିକାରିଙ୍କୁ ବରଗଡ ଜିଲ୍ଲା…

ଯାଜପୁର ରେ ହୋଲି ପର୍ବ ପାଳନ

Posted by - March 21, 2019 0
ଆଜି ପବିତ୍ର ଦୋଳ ପୂର୍ଣ୍ଣିମା । ଆଜି ଠାରୁ ରାଧାକୃଷ୍ଣ ଦୋଳ ବିମାନରେ ବାହାରିଥାନ୍ତି । ଦୋଳ ପୂର୍ଣ୍ଣମା ରେ ରଂଗର ପର୍ବ ହୋଲି ଖେଳାଯାଇଥାଏ ।…

ଶ୍ରୀ ଦାଦୀଜି ମନ୍ଦିର ଟ୍ରଷ୍ଟ ପ୍ରଭାବତୀ ପବ୍ଲିକ ସ୍କୁଲରେ ଆନ୍ତର୍ଦେଶୀୟ ମହିଳା ଦିବସ ପାଳିତ

Posted by - March 9, 2022 0
ଟିଟିଲାଗଡ:(ସଞ୍ଜୟ କୁମାର ନାୟକ) ମାର୍ଚ୍ଚ ୮ ତାରିଖକୁ ଆନ୍ତର୍ଜାତୀୟ ମହିଳା ଦିବସ ରୁପେ ପାଳନ କରାଯାଇଥାଏ। ଏହି ଉପଲକ୍ଷେ ସ୍ଥାନୀୟ ବ୍ୟାଙ୍କ ଛକରେ ଥିବା ଶ୍ରୀ ଦାଦିଜି…

Leave a comment

Your email address will not be published.