ଭୁବନେଶ୍ବର:ଯାଜପୁର ଜିଲ୍ଲା ଅନ୍ତର୍ଗତ ରସୁଲପୁର ବ୍ଲକର ବ୍ରହ୍ମବରଦାକୁ ସିଲ୍ କରାଯାଇଛି। ବ୍ରହ୍ମବରଦାର ୩ କିଲୋମିଟର ପରିଧି ଭିତରେ ଚଳାଚଳ ବନ୍ଦ ଲାଗି ନିର୍ଦେଶ ଦିଆଯାଇଛି।ଯାଜପୁର ସହର ଓ ବିଭିନ୍ନ ଗାଁକୁ ଆଜି ସଟଡାଉନ କରାଯାଇଛି । ଯାଜପୁର ଓ ବ୍ୟାସନଗର ପୌରାଞ୍ଚଳକୁ ସଟଡାଉନ କଲା ଜିଲ୍ଲା ପ୍ରଶାସନ । ଆଜି ରାତି ୮ଟାରୁ ସୋମବାର ରାତି ୮ଟା ଯାଏଁ ସଟଡାଉନ ଜାରି ରହିବ ।
ଯାଜପୁର ସହର ସମେତ ବିଭିନ୍ନ ଗାଁକୁ ମଧ୍ୟ ୪୮ ଘଣ୍ଟିଆ ସଟଡାଉନ ଅନ୍ତର୍ଭୁକ୍ତ କରାଯାଇଛି ଚଣ୍ଡିଖୋଲ, ପାଣିକୋଇଲି, ସାଦକପୁର, ଚାରିଲଙ୍ଗଳ, ନେଉଳପୁର ସମେତ ପ୍ରତି ବ୍ଲକ ମୁଖ୍ୟାଳୟ ଅଞ୍ଚଳ ସଟଡାଉନ କରିଛି ପ୍ରଶାସନ । କରୋନା ମୁକାବିଲା ସହ ସଂକ୍ରମଣ ରୋକିବାକୁ ଏହି ପଦକ୍ଷେପ ନେଇଛି ପ୍ରଶାସନ ।ତେବେ କାଳିଆପାଣି ଖଣି ଅଞ୍ଚଳରେ କାର୍ଯ୍ୟରତ ଓଏମ୍ସି ପରିବହନକୁ ଆଜି ସକାଳୁ ସ୍ଥାନୀୟ ଗ୍ରାମବାସୀ ବନ୍ଦ କରିବା ସହ କରୋନା ରୋଗର ବାହକ ନ ସାଜିବାକୁ ଅନୁରୋଧ କରିଛନ୍ତି। ଏହାକୁ ନେଇ ପ୍ରଶାସନ ସହ ଓଏମ୍ସି ଅଧିକାରୀ କାଠି ପ୍ରଧାନଙ୍କ ଆଲୋଚନା ପରେ ପରିବହନ ବନ୍ଦ କରିଥିବା ଜଣାପଡ଼ିଛି.
