କରୋନା ପାଇଁ ସଚେତନ ହେଉଛନ୍ତି ବରୀ ବ୍ଲକର ୨୯ ପଂଚାୟତର ଲୋକେ

Posted on March 27, 2020 at 10:14 pm by Aei Odisha

47239 5,381

ବରୀ:୨୭ /୩(ସ୍ନେହାଂଶୁ ଶେଖର ମହାନ୍ତି ) କରୋନା ଭାଇରସ ସଚେତନତା ପାଇଁ ବରୀ ବ୍ଲକର ୨୯ ପଂଚାୟତର ଲୋକେ ସଚେତନତା ହେଉଥିବା ଶୁକ୍ରବାର ଦେଖିବାକୁ ମିଳିଛି । ବରୀ ଅଂଚଳର ସମସ୍ତ ମୁଖ୍ୟ ରାସ୍ତାରେ କର୍ଫୁ ଜାରି ହୋଇଥିଲାବେଳେ ରାସ୍ତାଘାଟ ଶୂନସାନ ହୋଇଯାଇଛି । ସକାଳ ୭ଟାରୁ ପୂର୍ବାହ୍ନ ୯ ପର୍ଯନ୍ତ ଓ ଅପରାହ୍ନ ୩ ଟାର ୫ ପର୍ଯ୍ୟନ୍ତ ଅତ୍ୟାବଶ୍ୟକ ସାମଗ୍ରି ଦୋକାନ ଖୋଲା ରହୁଥିଲାବେଳେ ଅନ୍ୟାନ୍ୟ ସବୁ ଦୋକାନ ବଜାର ବନ୍ଦ ହୋଇଯାଇଛି ।

ବ୍ଲକ ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଉନଥିଲାବେଳେ ସାଧାରଣରେ ଅସନ୍ତୋଷ ପ୍ରକାଶ ପାଇଛି । ଦିନମଜୁରୀଆ,ଶ୍ରମିକ ୫ ଦିନ ହେଲା ଲକଡାଉନରେ ଛନ୍ଦି ହୋଇ ରହିଥିଲାବେଳେ ଅଧିକାଂଶ ଭୋକ ଓପାସରେ ଦିନ କାଟୁଥିବା ଜଣାପଡିଛି । ବରୀ ବିଧାୟିକା ସୁନନ୍ଦା ଦାସ କରୋନା ମୁକାବିଲା ପାଇଁ ନିଜ ଆଂଚଳିକ ପାଣ୍ଠିରୁ ବରୀ ନିର୍ବାଚନ ମଣ୍ଡଳୀ ପାଇଁ ୨ କୋଟି ଟଙ୍କା ଯାଜପୁର ଜିଲ୍ଲାପାଳଙ୍କୁ ପ୍ରଦାନ କରିଥିବା ଚିଠି ମାଧ୍ୟମରେ ଜଣାଇଛନ୍ତି । ଏଥି ସହିତ ୧ଲକ୍ଷ ଟଙ୍କାର ଚେକ ମୁଖ୍ୟ ମନ୍ତ୍ରୀଙ୍କ ରିଲିଫି ପାଣ୍ଠିକୁ ଦାନ କରିଥିବା ବିଧାୟିକା ଦାସ କହିଛନ୍ତି । ଏଥି ସହିତ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ଲକ ଡାଉନ ନିୟମକୁ ପାଳ କରିବା ପାଇଁ ବରୀ ନିର୍ବାଚନ ମଣ୍ଡଳିର ସମସ୍ତ ଜନସାଧାରଣଙ୍କୁ ନିବେଦକ କରିଥିବା କହିଛନ୍ତି ।

ଯାଜପୁର ଜିଲ୍ଲାପାଳ ଗୁରୁବାର ବରୀ ପରିଦର୍ଶନରେ ଆସି ଫେରିଯାଇଥିଲାବେଳେ ଶୁକ୍ରବାର ବ୍ଲକ ପ୍ରଶାସନ ପକ୍ଷରୁ ୨୯ଟି ପଂଚାୟତର ସରପଂଚ ମାନଙ୍କୁ ଡାକି କରୋନା ଭାଇରସ ସଚେତନତା ଉପରେ କର୍ମଶାଳା କରାଯାଇଥିବା ଜଣାପଡିଛି । ପ୍ରତ୍ୟେକ ପଂଚାୟତରେ ଗୋଟିଏ ଲେଖାଁ ସୁରକ୍ଷିତ କେନ୍ଦ୍ର ଖୋଲାଯିବ ବୋଲି ନିଷ୍ପତି ହୋଇଛି । ଏନେଇ ପ୍ରତ୍ୟେକ ପଂଚାୟତକୁ ୫ ଲକ୍ଷ ଟଙ୍କା ଲେଖା ଅନୁଦାନ ମିଳିବ ବୋଲି ପ୍ରଶାସନ ପକ୍ଷରୁ ସୂଚନା ମିଳିଛି । ୧୯୮ ବିଦ୍ୟାଳୟର ୮ମ ଶ୍ରେଣୀ ପର୍ଯ୍ୟନ୍ତ ଛାତ୍ରୀଛାତ୍ର ମାନଙ୍କୁ ମଧ୍ୟାହ୍ନ ଭୋଜନ ବାବଦରେ ଚାଉଳ ଅବିଭାବକ ମାନଙ୍କୁ ମିଳିବ ବୋଲି ସୂଚନା ମିଳିଛି ।