ରାଜଧାନୀ ଭୁବନେଶ୍ବର ଏବେ ଭୂମିକମ୍ପ ପ୍ରବଣ ଅଞ୍ଚଳ

851 0

ଗତ କିଛି ବର୍ଷ ମଧ୍ୟରେ ହୋଇଥିବା ପାଣିପାଗ ପରିବର୍ତ୍ତନ ଯୋଗୁଁ ରାଜଧାନୀ ମାଟି ତଳେ ଦୁଇଟି ଫଲ୍ଟ ଲାଇନ୍ ସୃଷ୍ଟି ହୋଇଥିବାରୁ ଭୁବନେଶ୍ବର ଏବେ ଭୂମିକମ୍ପ ସମ୍ବେଦନଶୀଳ ଅଞ୍ଚଳ ମଧ୍ୟରେ ଯାଉଛି। ଆଜି ପର୍ଯ୍ୟନ୍ତ ଯଦିଓ ଭୁବନେଶ୍ବରରେ କେବେ ବିଧ୍ବଂସକାରୀ ଭୂମିକମ୍ପ ହୋଇନି, କିନ୍ତୁ ଏହା କୌଣସି ମୁହୂର୍ତ୍ତରେ ବି ହୋଇପାରେ। ଏଥିପାଇଁ ଯଦି ଯଥା ସମ୍ଭବ ଶୀଘ୍ର ପ୍ରସ୍ତୁତି କରାନଯାଏ ତେବେ ପୂରା ଭୁବନେଶ୍ବର ଧ୍ବଂସସ୍ତୂପ ପାଲଟିଯିବ। ରାଜଧାନୀ ପ୍ରତି ଥିବା ବିପଦକୁ ନଜରରେ ରଖି ରାଜଧାନୀର ମାଇକ୍ରୋ ଜୋନେସନ୍ ସେସମିକ୍ ମ୍ୟାପିଂ କରିବାକୁ ଭୂ-ବିଜ୍ଞାନ ମନ୍ତ୍ରଣାଳୟ ନିଷ୍ପତ୍ତି ‌ନେଇଛି। ଦେଶର ୪ଟି ସହରରେ ଏବେ ଏହି ମ୍ୟାପିଂ ହେବାକୁ ଥିବାବେଳେ ଭୁବନେଶ୍ବରରୁ ପ୍ରଥମେ କାମ ଆରମ୍ଭ କରିବାକୁ ନିଷ୍ପତ୍ତି ହୋଇଛି

ଭୂବିଜ୍ଞାନ ମନ୍ତ୍ରଣାଳୟର ଏକ ଟିମ୍ ଖୁବ୍ ଶୀଘ୍ର ଭୁବନେଶ୍ବରକୁ ଆସିବ। ବିଡିଏ ଅଧିକାରୀଙ୍କ ସହାୟତାରେ ରାଜଧାନୀର ବିଭିନ୍ନ ଅଞ୍ଚଳ ବୁଲିବା ସହ ସେଠାରେ ବୋରିଂ କରି ମାଟି ସଂଗ୍ରହ କରିବ। ପୂରା ଭୁବନେଶ୍ବରର ୧୧୦୦ଟି ଅଞ୍ଚଳରୁ ବୋରିଂ କରି ମାଟି ସଂଗ୍ରହ କରାଯିବ। ଆବଶ୍ୟକସ୍ଥଳେ ଲୋକଙ୍କ ଘର ଭିତରୁ ବି ଚଟାଣ ଖୋଳି ମାଟି ସଂଗ୍ରହ କରାଯିବ। ଏହି ମାଟିକୁ ନେଇ ପରୀକ୍ଷା କରାଯିବ। କେଉଁ ଅଞ୍ଚଳ କେଉଁ ସେସମିକ୍‌ ଜୋନ୍‌ରେ ଯାଉଛି, ସେଠାରେ କେଉଁ ଡିଜାଇନ୍‌ର ଘର ନିର୍ମାଣ କରାଯିବ ସେନେଇ ପ୍ରସ୍ତାବ ଦେବ। ଏହାପରେ ବିଡିଏ ପକ୍ଷରୁ ଏହାର ପ୍ଲାନିଂ ଅଞ୍ଚଳରେ କେଉଁ ଡିଜାଇନ୍‌ର ଘର ନିର୍ମାଣ କରାଯିବ ସେନେଇ ନିଷ୍ପତ୍ତି ହେବ।

ଏହି କେନ୍ଦ୍ରୀୟ ଟିମ୍‌କୁ ସହଯୋଗ କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ବିଡିଏ ଉପାଧ୍ୟକ୍ଷ, ଆଇଆଇଟି ଭୁବନେଶ୍ବରର ଜଣେ ପ୍ରଫେସର, ବିଏମ୍‌ସି ସିଟି ଇଞ୍ଜିନିୟର, ବିଜ୍ଞାନ ଓ ବୈଷୟିକ ଜ୍ଞାନ ବିଭାଗର ଜଣେ ବରିଷ୍ଠ ଅଧିକାରୀଙ୍କୁ ନେଇ ଏକ ଟିମ୍ ଗଠନ ହେବ।

Related Post

ଲଷ୍ମୀପୂଜା ଅବସରରେ ରାମାୟଣ ପାରାୟଣ

Posted by - October 21, 2021 0
ବୌଦ୍ଧ(ଚିତ୍ତ ରଂଜନ ସିଂ)ଗଜଳଷ୍ମୀ ପୂଜା ଅଵସରରେ ବୌଦ୍ଧ ବ୍ଲକ ମୁଣ୍ଡାପଡା ପଞ୍ଚାୟତ ଅନ୍ତର୍ଗତ ଖମାରିପଡା ରେ ରାମାୟଣର ସୁନ୍ଦରାକାଣ୍ଡ ପାରାୟଣ ବୁଧବାର ଅନୁଷ୍ଠିତ ହୋଇଯାଇଛି।ଏଥିରେ ବ୍ୟାସ ଭାବେ…

ହର୍ଡ ଇମ୍ୟୁନିଟି ବା ଗୋଷ୍ଠୀ ରୋଗ ପ୍ରତିରୋଧକ ବ୍ୟବସ୍ଥା କଣ ?ଆମେ କେତେ ପ୍ରସ୍ତୁତ। ଜାଣନ୍ତୁ

Posted by - May 25, 2020 60
ଭୁବନେଶ୍ବର: କରୋନା ସଂକ୍ରମଣ ସାରା ବିଶ୍ୱରେ ଆତଙ୍କ ଖେଳିଥିବା ବେଳେ ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ଏହାକୁ କାର୍ଯ୍ୟକାରୀ କରିବା ପାଇଁ ସରକାରୀ…

ବିଦ୍ୟାଳୟକୁ ପୋଷ୍ୟ ଭାବେ ଗ୍ରହଣ କଲେ ସରପଞ୍ଚ

Posted by - November 24, 2021 0
ବେଲଗୁଣ୍ଠା:(ସୁଶାନ୍ତ କୁମାର ବେହେରା )ବେଲଗୁଣ୍ଠା ବ୍ଳକ୍ ତନରଡା ପ୍ରାଥମିକ ବିଦ୍ୟାଳୟର ନୂତନ ବିଦ୍ୟାଳୟ ପରିଚାଳନା କମିଟି ଗଠନ ହୋଇଯାଇଛି I ବିଦ୍ୟାଳୟରେ ଆୟୋଜିତ ଏକ ଅଭିଭାବକ ସମ୍ମିଳନୀରେ…

ସିଆରପିଏଫ ଯବାନ ଙ୍କ ମହାନତା,ରାସ୍ତା ରେ ଦୁର୍ଘଟଣା ଆହତ ଙ୍କୁ ଉଦ୍ଧାର କରି ନେଲେ ଡାକ୍ତର ଖାନା

Posted by - November 29, 2022 0
ଖପ୍ରାଖୋଲ: ୨୯/୧୧(ତାପସ ରଞ୍ଜନ ବେହେରା) ବଲାଙ୍ଗିର ଜିଲ୍ଲା ଖପ୍ରାଖୋଲ ଠାରେ ଅବସ୍ଥାପିତ ସିଆରପିଏଫ ୧୮୯ ବ୍ୟାଟେଲିଆନ ବି ର ଯବାନ ମାନେ ରାସ୍ତା ରେ ଡ୍ୟୁଟି କରୁଥିବା…

Leave a comment

Your email address will not be published.